web counter
LEXO PA REKLAMA!

SHKARKO APP

App Store
Google Play

11 dhjetori mbylli një kapitull të errët/ Bylykbashi thirrje demokratëve për bashkim

30 Prill 2022, 11:05, Politikë CNA

Deputeti i PD-së, Oerd Bylykbashi nga foltorja e Kuvendit Kombëtar të PD-së, ka deklaruar se 11 dhjetori 2021 mbylli një kapitull të errët dhe i çeli rrugën këtij Kuvendi të ri.

Ai ka bërë thirrje për të lënë pas përçarjen dhe të gjithë demokratët të bashkohen tek kutia e votimit.

?Kuvendi i 11 dhjetorit 2021 mbylli një kapitull të errët dhe i çeli rrugën këtij Kuvendi të ri.

Është në barrën e këtij Kuvend që mbi ato themele të ndërtojmë PD të 15-20 viteve të ardhshme.

Një parti që emrin demokratike ta meritoj. Nëse demokracinë se kemi brenda nesh, s?mund ta kërkojmë atë jashtë shtëpisë sonë.

Na bashkoi një lëvizje e paprecedentë. Rrugëtimi i foltores, ku demokratët kërkuan dhe gjetën një vend për të thënë atë se çka mendonin, kjo funksionoi. Është detyra jonë që të mbajmë të shëndetshëm imunitetin tonë.

Ndarja dhe balancimi i pushteteve, dhe respektimi i votës na siguron se jemi PD. Vetëm statuti nuk na bën demokratë, por zbatimi i tij me votë duke folur hapur, na bënë demokrat.

Do lëmë pas përçarjen dhe do jemi më shumë demokratë. S?ka instrument përbashkues më shumë për PD se sa kutia e votimit. Deri më 9 shtator po ecnim symbyllur drejt një ure, që partitë njihen me emrin e kryetarit. Përtej asaj ure vdes demokracia. Por për fat hapëm gojën dhe u shmangëm nga ajo urë që ndeshet me diktatin?, tha Bylykbashi./CNA.al





Lajmet e fundit nga