web counter
LEXO PA REKLAMA!

SHKARKO APP

App Store
Google Play

Elezi nxjerr “të palarat” e Bashës/ "Të fuste në listën e PD vetëm po të…"

30 Prill 2022, 15:54, Politikë CNA

Ish-kryetari i PD-së së Kukësit, Ibsen Elezi, ka hedhur akuza të forta ndaj ish-kryetarit të PD-së Lulzim Basha, gjatë fjalimit të mbajtur në Kuvend.

Elezi tha se Basha është fajtor për sistemin me të cilin ka funksionuar PD.  Ai pretendon se e gjithë kupola drejtuese e PD-së ka manipuluar vota për ish-kryetarin.

Sipas tij, duhet të kishe lidhje me familjen e Lulzim Bashës që të bëheshe pjesë e listës së PD-së.

?Ky proces nuk ka ekzistuar. Uroj që ky statut i paraqitur, të jetë një model i mirë ndonëse kam shumë pak besim. Kjo teoria e turravrapit për të miratuar gjërat, nuk ishte normale. Debati është mënyra se si vuloset demokracia brenda një partie. Është themeli i demokracisë. Përmes debatit ndryshon sistemin e ndërtuar deri më sot. Ashtu siç e imponoi Basha që nga 2017, duhet të kishe lidhje me familjen e Bashës për të qenë pjesa e asaj liste. Ishte një sistem kacavjerrëse. E zvogëloi PD-në aq sa nuk mund të mundnim dot Edi Ramën. Sistemi i debatit do të thotë që unë ballafaqoj vlerat me konkurrentin tim. Unë nuk jam manekin.

Ky debat i hap rrugën dhe hapjes së PD-së. Hapja e PD-së nuk bëhet duke thërritur emrat. Nuk ka transparencë, dhe ka transparencë. Kuvendi i datës 11 dhjetor dhe ky ka nivel i transparencës. Nuk është vetëm për ta parë ne, por për ta parë gjithë publiku. Një nga anëtarët e G29-ës, Edi Paloka. Ato shqetësime që i ngritëm, që ne bërtisnim dhe çirreshim. Doli dhe e konfirmoi publikisht. Jo unë por gjithë kupola drejtuese manipuluam vota për Lulzim Bashën. Ju dhe Sali Berisha duhet të kishit dalë e të kishit kërkuar falje për këtë krim brenda PD-së. Kuvendi i 18 dhjetorit ishte nnjë turp i Lulzim Bashës. Si mund ta besoj unë kur jo sëfundmi, dy ditë ju la kandidatëve për t?u përgatitur?, theksoi kandidati për anëtar të Këshillit Kombëtar./ CNA.al





Lajmet e fundit nga