E fundit!

14:19 Aktualitet

Qeveria plan për rivlerësimin e profesioneve të rregulluara, në fokus 323 kategori

Shqipëria do të nisë një proces të gjerë për rishikimin e ...

Amnistia Fiskale dhe falja penale/ Çfarë parashikonte drafti i vitit 2011

20 Prill 2022, 08:51, Aktualitet CNA

Së fundi, kryeministri Edi Rama po artikulon nismën për Amnistinë Fiskale.

Që do të thotë se të gjithë individët që kanë punuar ?në të zezë? në Shqipëri apo edhe jashtë vendit dhe kanë krijuar të ardhura të padeklaruara deri sot, tashmë kanë një mundësi që t?i deklarojnë pa u ndëshkuar.

Me këtë nismë qytetarëve do t?u falen të gjitha detyrimet e prapambetura si pasojë e mosdeklarimit të pasurisë së tyre, e vënë në këtë rast duke punuar në të zezë.

Përpjekja më e madhe e këtij lloji është bërë nga qeveria ?Berisha?, në vitin 2011. Qeveria demokratike e drejtuar nga ish-kryeministri Sali Berisha, hartoi një ligj ?Për legalizimin e kapitalit dhe faljen e një pjese të borxhit tatimor dhe doganor?, -që synim kishte faljen apo fshirjen nga regjistrat e kontabilitetit tatimor të detyrimeve dhe gjobave të papaguara deri më datën 31.12.2010.

Sipas ligjit të vitit 2011, do të faleshin detyrimet e papaguara të tatimpaguesve subjekt i TVSH-së, nga 1 janar 2009 deri më 31 dhjetor 2009, nëse tatimpaguesi, paguan 30 për qind të principalit të tatimit. Ndërsa për ata tatimpagues të regjistruar si subjekt i TVSH-së, që janë të evidentuar në regjistrat e administratave tatimore në periudhën 1 janar 2010 deri më 31 dhjetor 2010, falen nëse tatimpaguesi paguan 50 për qind të principalit të tatimit. Po ashtu, ka pasur edhe një sërë faljesh të tjera, si për detyrimet shoqërore apo për efektivitetin e kasave fiskale.

Propozimi kishte në thelb edhe ?Legalizimin e kapitalit?, çka i lejonte emigrantëve apo dhe personave të tjerë që kishin punuar në të zezë, të deklaronin dhe regjistronin pasuritë e tyre në Shqipëri pa penalitete.

Amnistia u falte pjesërisht tatimpaguesve borxhet tatimore dhe doganore të tilla si:

? detyrimet tatimore të personave fizikë, të regjistruara si subjekt i taksës vendore të biznesit të vogël, të mbetura të papaguara e që i përkasin periudhës tatimore deri më 31 dhjetor 2010;

? detyrimet tatimore të papaguara të individëve për periudhën tatimore deri më 31 dhjetor 2010.

? detyrimet tatimore të papaguara të tatimpaguesve, persona juridikë apo persona fizikë, të regjistruar si subjekt i TVSH-së, që janë të evidentuar në regjistrat e administratave tatimore deri në datën 31 dhjetor 2008.

? të gjitha detyrimet e prapambetura të pronarëve të mjeteve për taksën e regjistrimit të përvitshëm të mjeteve dhe taksën vjetore të qarkullimit rrugor për periudhën deri më 31 dhjetor 2010.

? iu falen detyrimet për këto taksa, për të gjitha mjetet e dala jashtë qarkullimit, por të paçregjistruara deri në datën 31 dhjetor 2010.

Gjithashtu Amnistia e propozuar në vitin 2011, parashikonte edhe faljen penale.

?Përjashtohen nga ndjekja penale ata subjekte:

31. a) ndaj te cileve deri më 31.12.2010, administratat tatimore dhe doganore kane perfunduar proçedurat e shqyrtimit admnistrativ per veprat penale të parashikuara nga nenet 163, 170/a, 180 dhe 181 të Kodit Penal dhe ndaj tyre kanë filluar proçedurat e hetimit penal;

32. b) te cilet kane kryer veprat penale të parashikuara nga nenet 163, 170/a, 180 dhe 181 të Kodit Penal, deri më 31.12.2010. 2. Përjashtohen tërësisht nga vuajtja e dënimit, apo nga pjesa e mbetur e denimit të dënuarit për veprat penale të parashikuara nga nenet 163, 170/a, 180 dhe 181 të Kodit Penal.?-thuhej në draftin, e propozuar në vitin 2011.

Ndërkohë, nga të drejtat e parashikuara në këtë draft, nuk thuhej se nuk përfitojnë ata individë të cilët në përputhje me legjislacionin e fushës, i nenshtrohen detyrimit ligjor për deklarimin të pasurisë, pranë Inspektoriatit të Larte të Deklarimit dhe Kontrollit të Pasurive.

Nisma e atëhershme hasi në kundërshtinë e opozitës së kohës, qeverisë së sotme që propozon të njëjtën nismë. Dhe kjo bëri që amnistia të bëhej vetëm pjesërisht.

Pra, Rama i cili në atë kohë ishte kreu i Opozitës, e bllokoi amnistinë e plotë me gjithë faljen penale, të cilën Qeveria e asaj kohe e mbronte fort.

Pikërisht për shkak të kapriçove politike nuk u bë e plotë, por e pjesshme.

Ndërsa sot e kërkon Rama dhe Opozita që e bëri dje, hesht dhe e kundërshton.

Por, është koha që Partia Demokratike, të dalë përtej kapriçove politike. Një forcë politike e djathtë nuk mund të jetë kundër biznesit.

Në galerinë më poshtë, drafti fillestar për Amnistinë Fiskale, që nuk u votua nga Rama në vitin 2011. Ndërsa sot kryeministri duket i bindur, që duhet./CNA.al

Rama jep detaje/ Si do jetë amnistia fiskale

Amnistia fiskale, propozim i 2011/ Pse opozita nuk mund të dalë kundër biznesit

Një frymëmarrje për biznesin dhe qytetarët/ Pse duhet miratuar amnistia fiskale

Amnistia fiskale/ Një frymëmarrje për biznesin

Një amnisti për 30 vite tranzicion