web counter
LEXO PA REKLAMA!

SHKARKO APP

App Store
Google Play

E fundit!

x

Dokument-Nga lidhja intime tek borxhi/ Marrja peng e të riut si skenar filmash

19 Prill 2022, 13:06, Aktualitet CNA

Një ngjarje e rëndë është regjistruar pak ditë më parë në Tiranë, ku një person është marrë peng, për shkak të një borxhi siç konludohet në dosjen e Prokurorisë.

Shkak për këtë ngjarje u bë një borxh që 37-vjeçarja Çezma i kishte të marrë te riut Ermil Sorra.

Denalda Çezma i kishte marrë 31-vjeçarit plot 30 mijë euro borxh, të cilat nuk ia kthente. Ai mësohet se ia kërkonte paratë herë pas here.

Në këto kushte, 37-vjeçarja kërkoi ndihmën e shokëve të saj, 37-vjeçarit Shkëlqim Koçeku dhe 30-vjeçarit Sulltan Piraci.

Sipas dosjes së Prokurorisë,  Ermil Sorra, është marrë peng dhe dhunuar nga Shkëlqim Koçeku dhe Sulltan Picari, për të zbatuar ‘porosinë’ e Denalda Çezmës, 37-vjeçe.

Pas hekurave kanë përfunduar dy persona Shkëlqim Koçeku dhe Denada Çezmja, ndërsa është shpall në kërkim i treti, Sulltan (Marku) Piraçi.

Koçeku dhe Çezmja kanë dalë para gjykatës ditën e sotme.

Para togave të zeza e reja ka mohuar se i kishte marrë borxh 30-vjeçarit, ndërsa kërkoi të lirohej pasi kishte një vajzë 14 vjeçe që e rriste e vetme.
?Donte të kishte një lidhje me mua. Ndaj më bezdiste. Nuk i kam marrë lekë borxh. Dua lirinë, kam një vajzë 14-vjeçe, mos më lini në burg, më lironi?, është shprehur ajo.

Gjykata ka vendosur masaën ?arrest me burg? për të dy të rinjtë.

Më datë 14.04.2022 rreth orës 23:00, pas njoftimi të marrë nga salla operative se në  fshatin Kashar është rrëmbyer një person është shkuar në vendngjarje ku është marrë takim me shtetasin Skënder Sorra i cili ka deklaruar se djali i tij, shtetasin Ermil Sorra e kanë rrëmbyer tre persona ku njëri prej të cilëve dyshohet të ishte shtetasi që kishte ne përdorim numrin e telefonit +3556944?.. , pasi ky numër kishte telefonuar para pak orësh shokun e Ermil Sorrës ,shtetazin Adnand Sorra dhe kërkonte që të lidhej me Ermilin nëpërmjet tij, ku ky i fundit me telefonin e shtetasit Adnand Sorra kishte telefonuar më parë shtetasen Denada Çezma.

Pas verifikimit të numrit të telefonit +3556944.  apkikacionin “True Caller” është shfaqur emri i shtetasit Shkëlqim Koçeku. Nga të dhënat paraprake është mbledhur informacioni se shtetasi Ermil Sorra ka pasur një konflikt me shtetasen Denalda Çezma.

Është shkuar në banesën e kësaj të fundit  dhe kjo shtetase është shoqëruar nga shërbimet e policisë në ambientet e Komisariatit Nr. 6 me qëllim verifikimin e informacioneve. Më pas është paraqitur në Komisariatin Nr. 6 shtetasi Ermil Sorra i cili ka kallëzuar se është marrë forcërisht nga ambientet e lokali të  Shaban Sorrës nga shtetasja Denalda Çezma së bashku me dy persona të tjerë dhe është dërguar në banesën e shtetases Denalda Çezma ndodhur tek pallatet malajziane, ku është dhunuar prej kësaj të fundit dhe personave që e shoqëronin atë.

Dëshmia e personit të marrë peng

Shtetasi Ermil Sorra ka deklaruar se këta persona (dy të arrestuarit dhe një kërkim) e kanë dhunuar të tre së bashku me grushta, shkelma, si edhe me rrip, ku i kanë shkaktuar këtij të fundit dëmtime të shumta në pjesë të ndryshme të trupit dhe në kokë.

Sipas këtij shtetasi shkak për këtë ngjarje është lidhja intime që ai ka pasur me shtetasen Denalda Çezma, ku ai pretendon se gjatë kësaj marrëdhënie ai i ka dhënë shtetases Denalda Çezma, në periudha të ndryshme shuma të ndryshme parash të cilat sipas tij arrijnë vlerën e 30( tridhjetë) mijë eurove.

Ai ka deklaruar se kjo shtetase e ka mashtruar në lidhje me kthimin e borxhit të marrë prej saj dhe se i ka përdorur personat e mësipër më qëllim që të largonte këtë të fundit.

I është bërë këqyrja e jashtme shtetasit Ermil Sorra, ku në trupin, e tij ku vërehen,  dëmtime të shumta në pjesën e veshëve, kurrizit dhe të kofshëve.

Është bërë kqyrja e banesës se shtetases Denalda Çezma, ku në këndin e dhomës së ndenjes janë vërejtur njolla të kuqe./CNA.al





Lajmet e fundit nga