web counter
LEXO PA REKLAMA!

SHKARKO APP

App Store
Google Play

Letra-Shqipëria në prag të një krize të rëndë energjetike/ Deputetet e PD, thirrje urgjente

20 Prill 2022, 07:56, Aktualitet CNA

Deputetet e PS, Sorina Koti dhe Emilija Koliqi njëherësh zëvendës-kryetare e Komisionit për Ekonominë dhe Financat dhe anëtera e këtij Komisionit, u janë drejtuar me një letër kolegëv të tyre deputetë.

Deputetet e PD kërkojnë ngritjen e Komisionit parlamentar të Energjisë dhe Aksionit për Klimën.

Sipas tyre, këtë kërkesë e bëjnë pasi  Shqipëria ndodhet në prag të një krize të rëndë energjetike

?Të nderuar kolegë, Shqipëria ndodhet në prag të një krize të rëndë energjetike për një sërë arsyesh, ku përmendim si mungesën e politikave favorizuese për nxitjen e investimeve dhe rritjen e prodhimit vendas të energjisë, veçanërisht asaj të ripërtëritshme, ashtu dhe me situatën ndërkombëtare me çmimet e larta të energjisë, si pasojë edhe e luftës në Ukrainë.

Shqipëria është nënshkruese e konventave ndërkombëtare për zhvillimin e aksionit për parandalimin e ndryshimeve klimatike që kërcënojnë të ardhmen e njerëzimit dhe në mënyrë sistematike duhet të përmbushë realizimin e kontributeve kombëtare të pikësynuara.

Dëshirojmë të sjellim në vëmendje, se aktualisht, parlamentet dhe qeveritë në mbarë botën, e vecanërisht në Europë, po intensifikojnë përpjekjet për përmirësimin e legjislacionit dhe ndërmarrjen e politikave që nxisin transformimin nga energjitë e lëndëve fosile drejt energjive të pastra për tu përballur me sfidat kombëtare të sigurisë energjetike dhe ato globale të ndryshimit të klimës. Mbi këtë bazë, mendojmë se Kuvendi i Shqipërisë, si institucioni kryesor i demokracisë, duhet të shumëfishojë iniciativat në cështjet e energjisë dhe aksionit për klimën, për përmirësimin e legjislacionit, mbikëqyrjen e politikave dhe masave të qeverisë dhe nxitjen e bashkëpunimit me shoqërinë civile, organizatat e biznesit, grupet e interesit dhe gjithë aktorët e përfshirë?, thuhet në letrën e tyre./CNA.al





Lajmet e fundit nga