web counter
LEXO PA REKLAMA!

SHKARKO APP

App Store
Google Play

E fundit!

x

PS nuk “lëshon” Orlando Rakipin/ Alibeaj: Rama e ka të pamundur të ndahet nga “non gratat”

19 Prill 2022, 13:53, Politikë CNA

Deputeti Orlando Rakipi nuk u përjashtua nga grupi parlamentar i PS. Kjo ka sjellë shumë reagime nga radhët e PD. Së fundi Enkelejd Alibeaj, përmes një postimi në rrjetet sociale, shkruan se kjo e sotmja nuk është aspak e habitshme pasi, sipas tij Rama, e ka të pamundur të ndahet nga ?non gratat? , sepse vetëm falë tyre arrin të mbajë karrigen.

?Asnjë habi nga ishulli i non grata-ve. E sotmja ishte prova e radhës se Edi Rama e ka të pamundur të ndahet nga non gratat sepse vetëm falë tyre ai arrin të mbajë karrigen e kryeministrit.

Vendimi i sotëm i grupit parlamentar të PS është qartas dëshmi e pushtetit dhe pengmarrjes që klubi i nongratave ka në politikën shqiptare. PD e ka denoncuar kohë më parë përfshirjen e Aqif Rakipit në procesin e blerjes së votave.

Ky fakt i konfirmuar dhe nga Departamenti Amerikan i Shtetit nuk arrit ta bindë Edi Ramen dhe deputetet e tij se votat e blera për llogari të të birit duhet të jenë një alarm për ecurinë normale të parlamentarizmit..

Me avokatinë  e sotme ndaj Ornaldo Rakipit, kryeministri dëshmoi qartë se ai është ideatori i masakrës elektorale të 25 prillit.

Zbatuesit e kësaj masakre janë grupi i non gratave që sot janë ende aktivë në strukturat e PS. Jo rastësisht dhe në zgjedhjet e pjesshme lokale të 6 marsit, PD denoncoi përfshirjen e Tom Doshit dhe Vangjush Dakos në fushatën për zgjedhjen e kryebashkiakëve. 

Askush nuk habitet pra nga ishulli i non grata-ve ku çdo gjë është e vjedhur!?, shkruan Alibeaj./ CNA.al





Lajmet e fundit nga