web counter
LEXO PA REKLAMA!

SHKARKO APP

App Store
Google Play

"Për kë bleu vota Aqif Rakipi në 25 prill?"/ Basha mesazh Ramës

19 Prill 2022, 12:35, Politikë CNA

Grupi Parlamentar i Partisë Socialiste vendosi sot që të mos shkarkojë deputetin Orlando Rakipi.

Ky vendim nuk është pritur aspak mirë nga deputeti Lulzim Basha, i cili e quan kryeministrin Edi Rama mburojë të personave të shpallur ?non grata?.

Ai shtron pyetjen se për kë bleu vota Aqif Rakipi në 25 prill, ndërsa pretendon se përgjigjen e di kreu i qeverisë.

?Edi Rama është mburoja e non gratave sepse pa ta ai nuk qëndron dot në pushtet. Pa ta nuk bën dot afera si ato të inceneratorëve, pa ta nuk ndan dot administratën si plaçkë, pa ta nuk e shpërndan dot buxhetin e shtetit sipas orekseve të të babëziturve që përdor për të shkatërruar zgjedhjet.

Këto fakte të njohura nga çdo shqiptar pasqyrohen edhe në Raportin e Departamentit Amerikan të Shtetit dhe motivet e sanksioneve të Departamentit të Thesarit të Shteteve të Bashkuara.

Pyetja që shtrohet sot është: për kë bleu vota Aqif Rakipi dhe krimi i organizuar në 25 prill?

Edi Rama e di përgjigjen e kësaj pyetje, prandaj po mbron ortakët e tij në këtë krim zgjedhor, pa të cilët nuk do të ishte në pushtet.

Sot, për qytetarët shqiptarë dhe partnerët ndërkombëtarë, është më e qartë se kurrë se kush do një Shqipëri të pastër nga korrupsioni dhe politikanët e lidhur me krimin, dhe kush do që asgjë të mos ndryshojë në këtë vend dhe që ata që e kanë shpopulluar dhe varfëruar Shqipërinë, të pasurohen edhe më shumë në kurriz të shumicës së ndershme të shqiptarëve?, shkruan Basha në rrjetet sociale.

Ndërkohë, kujtojmë se ish-deputeti socialist Aqif Rakipi u sanksionua nga Thesari i Shtetit në SHBA, ndërsa djali i tij, Orlando Rakipi është aktualisht deputet i PS-së në Parlament./ CNA.al





Lajmet e fundit nga