web counter
LEXO PA REKLAMA!

SHKARKO APP

App Store
Google Play

Nga sot devijon lëvizja e automjeteve në Unazën e Madhe/ Harta, si do të vijojë qarkullimi

17 Prill 2022, 06:57, Aktualitet CNA

Lëvizja e automjeteve në Unazën e Madhe do të devijohet për shkak të punimeve që po kryhen për ndërtimin e lotit 3.

Autoriteti Rrugor Shqiptar ka  njoftuar një ditë më parë drejtuesit e automjeteve që përshkojnë këtë aks rrugor.

Njoftimi i plotë- Si bëhet devijimi

Duke filluar nga dita e diel, 17.04.2022 ndryshon drejtimi i lëvizjes për mjetet në Unazën e Madhe për shkak të punimeve që po kryhen për ndërtimin e Lotit 3.

Automjetet që do të vijnë nga Sheshi Shqiponja në drejtim të Pallatit me Shigjeta, pas daljes nga nënkalimi i ?Ozone?, do të devijojnë majtas duke përdorur karrexhatën e re të rrugës kryesore të Lot-it 3, duke shmangur kështu aksin kryesor deri pranë Mbikalimit te Pallatit me Shigjeta, e duke vazhduar më pas sipas orientimit ekzistues.

Automjetet që përdorin aksin e rrugës dytësore djathtas, nuk do të kenë ndryshim të lëvizjes.

Automjetet që do të vijnë nga Mbikalimi i Pallatit me Shigjeta në drejtim të rruges ?Teodor Keko?, do të devijojnë djathtas duke përdorur karrexhatën e re të rrugës dytësore të Lotit 3, duke shmangur kështu aksin kryesor deri pranë nënkalimit të O-Zone, e duke vazhduar më pas sipas orientimit ekzistues në Lotin 2.

Për automjetet që do të kenë destinacion Yzberishtin, Bulevardin ?Migjeni?, ?Kombinatin? nuk do të ketë ndryshime në qarkullim.

Kërkojmë mirëkuptimin e banorëve dhe përdoruesve të rrugës për këto ndërhyrje që po kryhen në këtë aks deri në përfundimin e plotë të këtij projekti./CNA.al





Lajmet e fundit nga