E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

“Të dielën votohet për kryetarin e ri të PD Vlorë”/ Ja pse demokratët duhet të zgjedhin Atird Hoxhën

16 Prill 2022, 18:04, Aktualitet CNA

Të dielën votohet për kryetarin e ri të degës së PD Vlorë, dhe kandidat në garë është edhe Atird Hoxha.

Ky i fundit ka dalë me një reagim të gjatë në rrjetet sociale, ku bën thirrje që gara e së dielës, duhet të jetë shembull në sytë e të gjithë shqiptarëve.

Gara duhet të jetë shembull edhe për socialistët, të cilët do të shohin se si votojnë e zgjedhin demokratët nëpërmjet garës e votës së lirë brenda forcës së tyre politike, thekson Hoxha në reagimin e tij.

?Kam vendosur të kandidoj falë edhe konsultimit me bazën e dëshirën e shumë prej jush!

I vetdijshëm për situatën që po kalon PDSH dhe besimplot për të ardhmen më të fortë të saj.

Unë jam natyrshëm në këtë parti, në këtë garë. Kam qenë dhe do të jem në këtë parti pa u shkëputur asnjë orë e ditë të jetës së saj.

Në të mirë e në të keq.

Jam i angazhuar në PD e Vlorës që në vitet e Gjimnazit ?Ali Demi?. Ishte viti 2001, fillimi i një mijëvjeçari të ri, fillimi i një besimi të ri për një të ri si unë.

Besimi dhe shpresa te një parti në opozitë për kohën dhe qëndrestare përballë sfidave, të cilat atë e bënë edhe më të fortë.

Zgjedhja në krye të Forumit Rinor të PD Vlorë ishte përgjegjësia e parë që mu besua, për të cilën nuk kurseva asgjë dhe më mësoi si të rritesha politikisht dhe moralisht brenda forcës sime politike.

Nga Forumi i të rinjve në strukturat e më të rriturve, ishte një hap që e hodha plot siguri e natyrshëm, duke fituar përditë e në çdo aksion politik e qytetar, përvojë e mësime të vyera.

Zgjedhja si anëtar i Këshillit të Bashkisë 2015-2019 më shërbeu për të dhënë sadopak përvojën time në vendimarrjet për qytetitn.

Si politikan, qytetar e jurist.

Aty, për katër vjet, hodha ide, debatova, kundërshtova e miratova duke patur në mendje Vlorën edhe vetëm Vlorën, pa asnjë kompromis e tërheqje mbrapa.

Edhe si nënkryetar i PD Vlorë në këto vite jam munduar të jap më të mirën time. Të jem shembull për më të rinjtë dhe bashkëpunues e konsesual për më të vjetrit.

Për këto dhe të tjera, jam nesër në garë.

Zgjedh të dalë përpara anëtarësisë sime të nderuar, për t?u votuar e për t?u besuar nga e para.

Vota dhe gara e ditës së diel është më shumë se kaq, del jashtë veprimtarisë së një partie politike.

Vota e gara e ditës së diel janë një ditë vendimtare për PD, jo vetëm për Vlorën, por për të gjithë Shqipërinë.

Vota për mua nuk do të jetë thjesht dhe vetëm një votë për Tirdin, por do të jetë Vota e Bashkimit. Vota e Ringritjes. Vota e Ndryshimit të Madh.

Do të jetë vota juaj dhe unë di ta lexoj çdo votë!

Gara e ditës së diel duhet të jetë gara ? shembull në sytë e të gjithë shqiptarëve.

Duhet të jetë gara ? shembull edhe për socialistët, të cilët do të shohin se si votojnë e zgjedhin demokratët nëpërmjet garës e votës së lirë brenda forcës së tyre politike.

Duhet të jetë gara ? shembull edhe për qytetarët ethjeshtë, të cilët duhet të kërkojnë të dëgjohen e të votojnë realisht për vete e për qytetin.

Shqipëria ka nevojë për Votën e Lirë, për Garën e Vërtet.

Sepse vetëm nëpërmjet këtyre të dyjave Vlora dhe Shqipëria do të rikthehen në shinat e zhvillimit e të demokracisë.

Sepse vetëm nëpërmjet këtyre të dyjave, do të zgjidhen në çdo sektorë njerëzit më të mirë, vlerat e vërteta, ata që e meritojnë dhe kanë mbështetje.

Për këto dhe të tjera, ju ftoj, që nesër, ditën e diel, të vini te partia juaj e të votoni.

Ejani ta fillojmë më parë nga vetja bashkimin e më pas të ftojmë e të tjerët jashtë nesh për të na u bashkuar, me qëllimin e vetëm, Bashkimin e shqiptarëve për t?u dhënë atyre një jetë më të mirë.

Atird Hoxha nuk do t?ju zhgënjejë!“/CNA.al