web counter
LEXO PA REKLAMA!

SHKARKO APP

App Store
Google Play

Ndërtimi i Lotit 3 në Unazën e Madhe/ ARRSH bën njoftimin e rëndësishëm, si devijon lëvizja

16 Prill 2022, 06:42, Aktualitet CNA

Autoriteti Rrugor Shqiptar bën të ditur se duke nisur nga nesër, do të ndryshojë drejtimi i lëvizjes për mjetet në Unazën e Madhe për shkak të punimeve që po kryhen për ndërtimin e Lotit 3.

Sipas ARRSH, automjetet që do të vijnë nga Sheshi Shqiponja në drejtim të Pallatit me Shigjeta, pas daljes nga nënkalimi i ?Ozone?, do të devijojnë majtas duke përdorur karrexhatën e re të rrugës kryesore të Lot-it 3, duke shmangur kështu aksin kryesor deri pranë Mbikalimit te Pallatit me Shigjeta, e duke vazhduar më pas sipas orientimit ekzistues.

Automjetet që përdorin aksin e rrugës dytësore djathtas, nuk do të kenë ndryshim të lëvizjes.

Automjetet që do të vijnë nga Mbikalimi i Pallatit me Shigjeta në drejtim të rruges ?Teodor Keko?, do të devijojnë djathtas duke përdorur karrexhatën e re të rrugës dytësore të Lotit 3, duke shmangur kështu aksin kryesor deri pranë nënkalimit të O-Zone, e duke vazhduar më pas sipas orientimit ekzistues në Lotin 2.

Për automjetet që do të kenë destinacion Yzberishtin, Bulevardin ?Migjeni?, ?Kombinatin? nuk do të ketë ndryshime në qarkullim.

ARRSH kërkon mirëkuptimin e banorëve dhe përdoruesve të rrugës për këto ndërhyrje që po kryhen në këtë aks deri në përfundimin e plotë të këtij projekti./CNA.al





Lajmet e fundit nga