web counter
LEXO PA REKLAMA!

SHKARKO APP

App Store
Google Play

“U abuzua me çmimet”/ Bejtja: Bordi nuk kontrollon nëse ka kartele

12 Prill 2022, 10:19, Aktualitet CNA

Sot është mbledhur Komisioni për Çështjet Ligjore, ku në rendin e ditës po diskutohet për Bordin e ngritur nga qeveria për kontrollim të çmimeve.

Zëvendësministri i Infrastrukturës dhe Energjetikës, Ilir Bejtja i është përgjigjur pyetjes së deputetit Oerd Bylykbashi në lidhje me cënimin që mund t?i bëhet tregut të lirë.

Bejtja u përgjigj se një gjë e tillë nuk ndodh pas Bordi vendos vetëm çmimin tavan ndërsa operatorët që shesin karburant mund të vendosin vetë çmimin e konkurrencës. Për një kartel të mundshëm mes tregtarëve të naftës, Bejtja ka thënë se është Autoriteti i Konkurrencës që heton dhe jo Bordi i Transparencës.

?Duhet të ketë 125 litra rezervë sigurie. Dhe këto janë të shtetit. Ato mbahen në disa forma, rezerva. Në total në treg duhet të jenë 90 ditë karburant më tepër se sa është kërkesa ditore. Këtë e kemi pasur gjithmonë në ligj.

Bordi cakton vetëm çmimin tavan. Kushdo ka të drejtë ta shesë me çmim të ulët. Bizneset në bord janë për të qenë transparent. Na i jep dogana të dhënat dhe jo ata që shesin. Krijimi i karteleve nuk ekziston. Pra Bordi nuk kontrollon nëse ka kartele. Ato i bën Konkurrenca. Bordi nuk i ka këto funksione?, tha Bejtja.

Ndër të tjera, Bejtja tha se Bordi u mblodh me 9 Mars pasi tre herë brenda ditës u ndryshuan çmimet.

?Kishte dyshime për abuzimin e çmimit. Rasti flagrant ishte me 9 mars që u ndryshua tre herë brenda ditës. Dhe kjo nuk pasqyronte tregun. Përfundoi në 290 lekë në darkë. Për këtë u pa e udhës të kishte një monitorim. U vendos që të mos ketë më shumë se 6% marzh fitimi?, tha Bejtja.





Lajmet e fundit nga