Skandali me Ministrinë e Kulturës/ Zbulohet arsyeja e shpalljes së vendit vakant për drejtorin e TKOB

8 Prill 2022, 16:02, Aktualitet CNA

Ministria e Kulturës shpalli një javë më parë garën për drejtuesin e ri të Teatrit Kombëtar të Operas dhe Baletit, pozicion që mbahej nga Zana Çela që prej gushtit të vitit 2016.

Afati për dorëzimin e dokumentacionit nga kandidatët është lënë data 19.04.2022, ndërsa si rrallë herë në të dhënat e publikuara, është caktuar dhe kriteri master në ekonomi.

Sipas Margaritit ky kriter është vendosur që institucionet e artit, të kenë drejtues që mund të bëjnë një punë të mirë në grumbullimin e fondeve.

Sa i përket largimit të Zana Çelës, Margariti është shprehur se mandati i saj është tejzgjat për afro 6 vjet, jo për shkak të performancës së lartë, dhe se sot institucioni ka nevojë për një organizim të ri.

Por e vërteta e gjithë kësaj lëvizje të nxituar thuhet se është një sherr mes Elva Margaritit dhe Zana Çelës.

Ky sherr ka sjellë që Ministrja e Kulturës të shpallë vendin vakant për drejtorin e TKOB, pa e njoftuar fare zonjën në detyrë.

Çdo gjë ka lindur nga investimi kolosal prej miliona eurosh që është bërë në rikonstruksionin e Tetrit të Operas dhe Baletit.

Projekti ka patur shumë mangësi dhe problematika, por edhe pse e vetëdijshme për këtë, Elva Margariti i ka bërë ?presion? Zana Çelës që të firmosë për marrjen në dorëzim të investimit.

Këtë e faktojnë dhe të gjitha shkresat që Zana Çela ka guxuar t?i shkruajë Ministrisë dhe të gjitha problematikat që ka projetki dhe të mos marrë në dorëzim investimin prej miliona euro, kur ndërkohë shumë paisje nuk funksiononin.

Ky presion i vazhdueshëm që i është bërë nga të gjithë punonjësit e Ministrisë së Kulturës dhe veçanerisht nga ministrja Elva Margariti dhe zv. Ministrja Meri Kumbe, ka bërë që ata ta pushojnë nga puna dhe të shpallin vendin vakanat.

Siç shikohet nga dokumentet, janë katër shkresa që Zana Çela i ka nisur Ministrisë së Kulturës, që nga qërshori i vitit të kaluar ku ngre shqetësimet për projektin e investimit në rehabilitimin e TOB dhe Asamblit Popullor.

Në shkresën e parë, që mban datë 06.05 2021, Çela ngre shqetësimin se firma që ka marrë përsipër projektin ka vonesa në zgjidhjen e problematikave, siç është situata me rrjetin e kabllazhit dhe ndriçimit të skenës, ku megjithëse nga projekti janë hedhur miliona lekë, punohet vetëm me 30% të kapacitetit të ndiçimit për një shfaqje.

Në një tjetër shkresë Çela refuzon të marrë në dorëzim aparatura/mallra të cilat nuk e kanë kaluar testimin/ inpektimin, që nuk funksionojnë, që janë me defekte apo të papërshtatshme për përdorimin e tyre specifik.

Madje në shkresa e 13 dhjetorit 2021, Zana Çela ngre shqetësimin Edhe për ngritjen e ?Komisionit të marrjes përfundimtare në dorëzim të punimeve.

Sipas shkresës, anëtarët e komisionit të TKOBAP-së nuk kanë asnjë kualifikim për të çertifikuar asnjë lloj proçesi. Nuk janë të akredituar dhe nuk disponojnë asnjë lloj certifikater profesionale që të marrin atributet e të drejtës së nënshkrimeve të asnjë lloj certifikate.

Siduket janë të gjitha këto përplasje që e kanë nxitur Ministrinë e Kulturës të zëvendësojë Zana Çelën, pa paralajmërin, dhe jo tejkalimi i afatave të mandatit dhe as performaca jo mbresëlënëse siç pretendon minsistrja Margariti./CNA.al