web counter
LEXO PA REKLAMA!

SHKARKO APP

App Store
Google Play

Legalizimi i kanabisit/ Ironia e ish ministrit: Suksese Kongresit të hashashit

8 Prill 2022, 06:57, Aktualitet CNA

Ish ministri i Drejtësisë, Ylli Manjani ka komentuar rezultatin e Këshillimit Kombëtar për legalizimin e kanabisit.

Rama një ditë më parë, tha se 61 % e shqiptarëve janë pro legalizimit të kanabisit për përdorim mjekësor dhe se kjo do të krijojë vende të reja pune si dhe përmirësim të ekonomisë.

Përmes një postimi në rrjetet sociale, Manjani shkruan se nëse tani në kulmin e krizës ushqimore nuk orientojmë paratë drejt fermave ushqimore por drejt hashashit, kjo është më shumë sesa paaftësi.

Në fund e ka mbyllur postimin duke shkruar: Muhabet koti më duket, nejse Suksese kongresit të hashashit.

?Përveç farsës politike me konsultim publik, përveç poshtërsisë morale ndaj atyre që dhanë jetën kundër kësaj flame.

Përveç talljes me ata që u dënuan për këtë lloj pune, çështja e canabis është edhe analizë ekonomike.

Vërtetë sigurohen aq shumë të ardhura nga canabis legal sa ç?pretendohet?!

Me ç?dimë, në Maqedoni janë 38 kompani të liçensuara që sot ibkanë magazibat plot se nuk kanë ku ta shesin mallin. Arsyeja është se perëndimi po e ka legalizuar ose po e legalizon vetë këtë gjë.

Ç?e bën qeverinë tonë që të mendojë të orientojë bisnese e investime në një fushë tashmë të saturuar në treg?!

Po pse mo ska gjë tjetër për të mbjellur, prodhuar e shitur?! Vetëm mall ditkemi të bëjm ne?!

Nëse tani në kulmin e krizës ushqimore nuk orientojmë paratë drejt fermave ushqimore por drejt hashashit, kjo është më shumë sesa paaftësi. Është poshtërsi!

Pffff. Nuk e di, po si muhabet kot më duket? pordhë syfyri i thonë kësaj pune.

Nejse, suksese kongresit të hashashit!?, shkruan Manjani./CNA.al





Lajmet e fundit nga