web counter
LEXO PA REKLAMA!

SHKARKO APP

App Store
Google Play

Kim zbret në shesh/ Mesazhi i fortë i diplomates amerikane

8 Prill 2022, 10:56, Aktualitet CNA

Ambasadorja Yuri Kim ka mbajtur një fjalim në manifetsimin që po zhvillohet në Tiranë në mbështetje të Ukrainës.

Kim ka deklaruar se sulmi rus është i paprovokuar dhe i pajustifikuar, ndaj dhe sot i është bashkuar manifestimit për të treguar solidaritet me popullin ukrainas.

Ndër të tjera, Kim theksoi se askush më shumë se populli shqiptar nuk e di më mirë se çfarë do të thotë të mohohet ekzistenca.

?Që prej muajit shkurt kemi parë sulmin e nisur nga presidenti Putin ndaj Ukrainës. Siç tha Biden në fjalimin e tij, Putin i kishte bërë keq llogaritë, ai mendoi se do të futej në Ukrainë dhe bota do i hapte rrugë, por u ndesh me mur të fortë, u ndesh me popullin ukrainas.

Është nder që të jem sot këtu me mikun dhe kolegun tim ambasadorin Shkurov dhe të tregojmë mbështetjen ndaj popullin ukrainas. Besoj që çdo shqiptar që është i pranishëm sot bie dakord me këtë. Nuk e them këtë vetëm se jeni pjesë e NATO-s dhe prisni të bëheni pjesë e BE, por sepse askush më shumë se shqiptarët e dinë se çfarë do të thotë që dikush të të mohojë ekzistencën tënde, e di mirë cfarë do të thotë kur dikush është kundër jush.

Askush nuk e di më mirë tmerrin e të larguarit për bombat e terrorizmit, askush nuk e njeh më mirë agoninë e hapjes së varreve për të afërmit që kanë vdekur apo më keq, pamundësia për t?i dhënë një varr atyre që kanë vdekur. Askush nuk e njeh më mirë vlerën apo ngushëllimin kur shtrin dorën drejt një miku që ka nevojë. Ju bashkohem sot për të shprehur solidaritetin me popullin e Ukrainës?, tha ndër të tjera Kim./CNA.al





Lajmet e fundit nga