LEXO PA REKLAMA!

SHKARKO APP

Reshjet e shiut në vend/ Policia apel shoferëve: Reduktoni shpejtësinë

1 Prill 2022, 19:01, Aktualitet CNA
Reshjet e shiut në vend/ Policia apel shoferëve: Reduktoni

Moti i keq ka vështirësuar lëvizjen në disa akse rrugore, por aktualisht të gjitha akset janë të kalueshme. Përjashtim bën sipas Policisë Rrugore vetëm aksi Elbasan- Librazhd, ku në urën e Murrashit kalimi i automjteeve bëhet me vetën një korsi.

Policia e Shtetit apelon për kujdes të shtuar nga drejtuesit e mjeteve dhe motomjeteve, ruajtjen e distancës dhe mos kryerjen e parakalimeve të gabuara.

Në njoftim bëhet e qartë se në akset kryesore, në qendrat urbane e akset kryesore rurale, janë prezente shërbimet e Policisë Rrugore, për të drejtuar qarkullimin rrugor, me qëllim parandalimin e aksidenteve rrugore.

?Nisur nga moti i keq, me reshje shiu në të gjithë vendin, Policia e Shtetit apelon për të gjithë drejtuesit e automjeteve dhe motomjeteve që të tregojnë kujdes, të reduktojnë shpejtësinë dhe të respektojnë rregullat e qarkullimit rrugor.

Drejtuesit e mjeteve dhe të motomjeteve të mos kryejnë parakalime të gabuara, të ruajnë distancën gjatë qarkullimit, të vendosin rripin e sigurimit, kaskën mbrojtëse, të mos përdorin celularin gjatë drejtimit të mjetit, si dhe të mos drejtojnë automjetet apo motomjetet nën efektin e alkoolit apo në gjendje të dehur.

Në të gjitha akset rrugore kryesore, në qendrat urbane e akset kryesore rurale, janë prezente shërbimet e Policisë Rrugore, për të drejtuar qarkullimin rrugor, me qëllim parandalimin e aksidenteve rrugore, si dhe për t’i ardhur në ndihmë çdo drejtuesi mjeti që mund të ketë probleme.

Të gjithë përdoruesit e rrugës të ndjekin udhëzimet e punonjësve të Policisë Rrugore dhe të autoriteteve të tjera shtetërore, dhe në rast të bllokimit të rrugës, drejtuesit e mjeteve të qëndrojnë në radhë deri në zhbllokimin e saj.

Aktualisht të gjitha akset rrugore janë të kalueshme, me përjashtim të aksit Elbasan – Librazhd, tek ura e Murrashit, ku lëvizja kryhet vetëm në një korsi, pasi në rrugë ka inerte. Nga ana e firmës kontraktore po punohet për zhbllokimin e plotë të rrugës.

Për çdo problem që mund të hasni, kontaktoni në numrin 112 dhe Komisariatin Dixhital!?, thuhet në njoftimin e Policisë së Shtetit./ CNA.al

Lajmet e fundit nga