web counter
LEXO PA REKLAMA!

SHKARKO APP

App Store
Google Play

E fundit!

x

Bllako, shëtitje me Zoton në Torino/ SPAK zbulon udhëtimin e përbashkët

30 Mars 2022, 12:24, Aktualitet CNA

Alqi Bllako nuk është munduar të fsheh aspak njohjen e tij me Klodian Zoton, biznesmenin e plehrave, emri i të cilit gjendet në kontratat koncensionare të tre inceneratorëve në Elbasan, Fier dhe Tiranë.

Prokuroria Speciale ka identifikuar të paktën një udhëtim të tyre të përbashkët. Nga hetimet e SPAK-ut ka rezultuar se në 16 Prill të vitit 2019, Alqi Bllako ka udhëtuar me kompaninë ?Blue Panorama? drejt Torinos, në Itali, së bashku me shtetasin Klodian Zoto.

Po ashtu, ata janë kthyer sërish bashkë në Shqipëri. Sipas SPAK-ut, Bllako dhe Zoto kanë mbërritur në Tiranë një ditë më pas, në 17 Prill 2019, kësaj radhe me fluturimin e kompanisë ?Alitalia?.

Deputeti i Partisë Socialiste, Alqi Bllako, ka pasur një rol thelbësor në hartimin dhe nënshkrimin e kontratave koncensionare për inceneratorin e Fierit dhe atë të Tiranës, gjatë kohës që ka mbajtur detyrën e Sekretarit të Përgjithshëm të Ministrisë së Mjedisit.

Koncensioni i Fierit, me vlerë rreth 30 milionë euro, është fituar nga kompania ?Integrated Technology Waste Treatment?, e cila është në pronësi 70 përqind të Klodian Zotos. Ndërsa koncensioni i Tiranës, me kosto ndërtimi 128 milionë euro, është fituar nga ?Integrated Energy BV?, në kohën kur drejtor i saj kryesor ka qenë Klodian Zoto.

Prokuroria Speciale ka kërkuar nga Parlamenti dhënien e autorizimit për arrestimin e tij. Ndërkohë, vetë Bllako, njoftoi mbrëmjen e së Martës në rrjete sociale se ka vendosur të heq dorë nga mandati i deputetit dhe të vendoset në dispozicion të drejtësisë si qytetar i thjeshtë.

Këshilli i Mandateve dhe Imuniteteve në Parlamentin e Shqipërisë ka caktuar mbledhjen për të shqyrtuar kërkesën e prokurorisë speciale ditën e sotme, në orën 18./Syri tv





Lajmet e fundit nga