web counter
LEXO PA REKLAMA!

SHKARKO APP

App Store
Google Play

E fundit!

x

Meta jep alarmin dhe bën thirrjen urgjente/ Të ndalim shpopullimin, të rikthejmë shpresën

25 Mars 2022, 09:55, Politikë CNA

Presidenti Ilir Meta ka reaguar në lidhje me lajmin sipas të cilit vitin e kaluar, 11,000 shqiptarë kërkuan azil në një nga vendet e Bashkimit Europian.

Në një postim në rrjetet sociale, Meta e cilëson si alarmante shpopullimin e vendit, ndërsa thekson se duhet urgjent të rikthehet shpresa dhe perspektiva për të rinjtë.

?Shpopullimi i Shqipërisë nuk po ndalet.

Vitin e kaluar, sipas “European Union Agency for Asylum”, 11,246 shqiptarë kërkuan azil në një nga vendet e Bashkimit Europian, duke na renditur sërish të parët për numrin e aplikimeve.

Largimi i të rinjve, si dhe i fuqisë intelektuale dhe punëtore më të kualifikuar, në mungesë të shpresës dhe perspektivës, është një problem kombëtar alarmues, që duhet të na bashkojë të gjithëve, duke e adresuar me përgjegjshmëri, me atdhetari dhe me profesionalizëm.

Të ndalim shpopullimin duke përmirësuar standardet e qeverisjes, të llogaridhënies demokratike dhe rritur përfaqësimin e të rinjve në vendimmarrje!

Të bashkojmë energjitë për të rikthyer shpresën dhe për t?i dhënë Shqipërisë drejtimin dhe perspektivën e merituar europiane, që të gjithë e dëshirojmë!?-shkruan Ilir Meta./CNA.al





Lajmet e fundit nga