web counter
LEXO PA REKLAMA!

SHKARKO APP

App Store
Google Play

E fundit!

x

Gjermania kundër embargos së plotë ndaj energjisë ruse/ Scholz: Do të ishte shkatërruese për Evropën

23 Mars 2022, 11:52, Kosova & Bota CNA

Kancelari i Gjermanisë, Olaf Scholz ka thënë se forcat ruse nuk po arrijnë të përparojnë në Ukrainë, pavarësisht bombardimeve të rënda të qyteteve të ndryshme të vendit.

?Ofensiva e Putinit ka ngecur pavarësisht gjithë shkatërrimit që po shkakton ditë pas dite?, tha Scholz. ?Putin duhet të dëgjojë të vërtetën, të ndalojë luftën dhe të gjejë një zgjidhje diplomatike?.-tha Olaf Scholz, para Bundestagut gjerman.

Më tej, ai theksoi se Ukraina mund të mbështetet te Gjermania dhe se të gjithë refugjatët janë të mirëpritur në vendin e tij.

Por kancelari gjerman paralajmëroi se sugjerimet për një embargo të menjëhershme ndaj furnizimeve ruse të energjisë duhet të hidhen poshtë pasi ndikimi në Evropë do të ishte shkatërrues.

Kancelari gjerman tha se vendi që ai drejton është në procesin e pavarësimit nga burimet ruse të energjisë, por ?që ta bësh këtë nga sot nesër do ta shtynte vendin tonë dhe të gjithë Evropën në recesion?.

Sipas tij, një embargo e plotë ndaj hidrokarbureve ruse do t?i çonte në prag të kolapsit të gjitha industritë dhe se që tani sanksionet ekzistuese anti-ruse kanë prekur rëndë qytetarët gjermanë.

?Por nëse e bëjmë këtë, do e zhysim vendin tonë dhe krejt Europën në recesion. Industri të tëra do jenë në prag të kolapsit,?-tha kancelari gjerman./CNA.al





Lajmet e fundit nga