web counter
LEXO PA REKLAMA!

SHKARKO APP

App Store
Google Play

E fundit!

x

8 vendet me eksportet më të mëdha të armëve në botë

23 Mars 2022, 18:14, Kosova & Bota CNA

SHBA mbetet vendi me eksportet më të mëdha të armatimeve sipas Institutit Kërkimor për Paqen në Stokholm.

Shitjet nga Amerika përbëjnë 38,6% të shitjeve ndërkombëtare të armëve mes viteve 2017-2021, duke shënuar një rritje në krahasim me periudhën 2012-2016 kur ishte 32.2%.

Gjatë katër viteve të fundit, SHBA ka furnizuar me armë më shumë se 100 vende sipas të dhënave të ?Statista?.

Rusia mbetet në vend të dytë me 18.6% për periudhën 2017-2021, duke pësuar rënie në krahasim me 2012-2016 kur ishte 24.1%.

Blerësja më e madhe nga Rusia është India, e ndjekur nga Kina, që vitet e fundit kanë blerë gjithë e më pak armë nga Moska. Blerjet kanë rënë dhe nga Algjeria dhe Egjipti.

Franca vazhdon të rrisë eksportin e armëve, kurse ndikimi i Gjermanisë në tregtinë e armëve është në rënie.

Kina është vendi i katërt në botë, ndjekur nga Italia, Mbretëria e Bashkuar dhe Koreja e Jugut.

Italia ka si partner kryesor Egjiptin, por në 2021 shitjet janë rritur më shumë në Katar, Turqi dhe Kuvajt.

Në rastin e Koresë së Jugut, shumica e shitjeve janë në Indonezi./euronews





Lajmet e fundit nga