web counter
LEXO PA REKLAMA!

SHKARKO APP

App Store
Google Play

E fundit!

x

Protestuesit tejmbushin sheshin përpara Kryeministrisë/ Rama replikon në Facebook

12 Mars 2022, 10:38, Politikë CNA

Ndërkohë që sheshi i Kryeministrisë është i mbushur nga qytetarët të cilët protestojnë kundër rritjes së çmimit të produkteve ushqimore dhe naftës, kryeministri Edi Rama replikon me komentuesit në rrjetin social Facebook.

Rama ka shkruar se nuk do të kishte marrë asnjë masë e nuk do të kishte bërë asgjë nëse do të ishte për protestuesit, jo nëse do të protestonin për katër ditë, por edhe për katër muaj. Aq më tepër në një kohë që sipas tij, Europa është duke u përballur me pasojat e luftës në ukrainë.

?Për atë protestë ndërkohe që tërë Europa, përfshirë edhe Shqipërinë, përballet me pasojat e para fare të një lufte, jo 4 ditë po 4 muaj apo 4 vjet të vazhdojë asgje nuk do kisha bërë dhe s?kam pritur ata që shajnë e ulerijnë as për të mbrojtur familjen tënde nga rritja e çmimit të energjisë dhe as për t?ju thënë të terëve se brenda javës, domethene sot, do të kemi skenarët e përballimit të këtyre pasojave!

Sa për fuqinë e popullit, unë jam në këtë detyrë pikërisht falë asaj fuqie, e cila nuk ka lidhje me pakicën që shan, mallkon, abuzon, paturpësisht fare, duke akuzuar papushim për vjedhje pa pikën e turpit, tamam me logjikën e hajdutit që çdo gjë dhe çdo njeri e lidh me vjedhjen, ndërkohë që po të ishte për të vjedhur mbante të tjerë këtu në vendin tim fuqia e popullit! Jo mor jo, do s?do kjo pakicë e çartur, nuk janë të tërë hajdutë dhe nuk janë të tërë sharlatanë, po ka edhe ndryshe, kështu që vazhdoni protestën tani se unë kam detyrë të mbroj popullin nga pasojat e luftës, jo ata që flasin perçart në emër të tij!?, shkroi Rama./ CNA.al

 





Lajmet e fundit nga