E fundit!

17:29 Kosova & Bota

Hetimi zbulon dështimet e Britanisë gjatë pandemisë së Covid-19/ U shpërdoruan rreth 10 miliardë paund për pajisje mbrojtëse

Një hetim për menaxhimin e pandemisë Covid-19 në Mbretërin...

Një tjetër pyetje publike për Agron Shehajn

11 Mars 2022, 10:59, Politikë CNA

Disa ditë më parë, editori i CNA.al, Elvi Fundo bëri një sqarim për Agron Shehaj, deputetin e Partisë Demokratike, i cili ende nuk iu është përgjigjur pyetjeve si u katapultua i pari në listën e Vlorës në vitin 2017, pa pasur asnjë kontribut politik?

Sa ishin kostot e asaj fushate?

Sa pagoi që të kapte majën e listës? Direkt apo indirekt për fushatën?

Por, sot po sjellim një detaj tjetër në lidhje me Agron Shehajn. Me të vërtetat e tij, me ato që nuk i pëlqejnë, megjithëse në publik ka fituar mjaft pikë. Kjo për shkak të një denoncimi që bëri kur u bë deputet, pra rreth katër vite më parë në lidhje me Unazën e Madhe të Tiranës.

Një dokument në Delaware, akuza për falsifikime,e të tjera si këto. U kthye në një kauzë politike të momentit, për shkak edhe të Unazës që ndërtohej duke kaluar nëpër shtëpi dhe prona kryesisht të zaptuara.

Por, gjithësesi ajo që duam ti bëjmë sot pyetje Agron Shehajt është: Përpara se ju të denonconit me një dokument investimin në Unazën e Madhe, a jeni në dijeni të një takimi që kanë bërë të afërt të Lulzim Bashës me biznesmenët që do ndërtonin këtë segment rrugor? Pra, me përfaqësues të subjektit që u denoncua.

Së dyti, ku e gjetët dokumentin?

Përtej faktit që thoni se keni çuar një letër jashtë në SHBA e më pas keni marrë përgjigje. Sepse CNA.al disponon të dhëna të konfirmuara se persona afër Lulzim Bashës kanë takuar biznesmenët.

Është bërë debat, janë kërkuar para, nuk është pranuar, më pas është denoncuar. Kjo mund të quhet thjeshtë dhe vetëm një aferë.

Për këtë kujtojmë se në atë kohë, më pas Erion Isufi, kunati i Lulzim Bashës ndryshoi dhe zyrat. Nga një prej kullave në qendër të Tiranës në krah të Pallatit të Kongreseve, shkoi tek ish-Hotel Sheraton.

Në të njëjtën kohë, paralelisht ndodhi edhe ngjarja me Rrugën e Kombit. Ku pak kohë më parë ishte protestuar dhe djemtë e Kukësit u lanë burgjeve nga Lulzim Basha. Ndërsa kunati shkonte me zyra atje ku ishte subjekti që kishte marrë kontratën konçesionare.

Le të kthehemi tek fakti.

A ishte në dijeni Agron Shehaj për takimin e disa personave me biznesmenët që kishin fituar tenderin e Unazës së Madhe? Përpara se të publikonte dokumentat apo të denonconte tenderin e saj?

Kush ia dha këto dokumenta dhe pse zgjodhi atë moment për të denoncuar?

Zoti Shehaj, këto i ka pyetje të dyta, pasi të parave ende nuk iu është përgjigjur.

Nuk shpresojmë se do t?i përgjigjet dhe këtyre. Por, meqënëse ka marrë ?shpatën e moralistit? dhe po ngrihet në një karrierë politike, duke thënë se ai është i pastër, ne po sjellim fakte që tregojnë se Zoti Shehaj është po aq i ?pastër? sa Lulzim Basha dhe mbështetësit e tij në të gjithë këtë histori./CNA.al

Agron Shehajt, një përgjigje e detyruar