web counter
LEXO PA REKLAMA!

SHKARKO APP

App Store
Google Play

E fundit!

x

Protestat shkundin Qeverinë/ “Gjunjëzohet” Rama

12 Mars 2022, 09:16, Politikë CNA

Prej tre ditësh protestat kanë shpërthyer në pothuajse çdo qytet të vendit. Qytetarët janë bërë bashkë për të kundërshtuar rritjen e çmimeve.

Në Tiranë janë zhvilluar tre protesta mbarëkombëtare, me pjesëmarrjen e lartë të qytetarëve, të cilët kundërshtojnë rritjen e çmimeve, ndërsa sot në orën 11:00 pritet të zhvillohet një tjetër protestë mbarëkombëtare, e cila fillon më një marshir nga Sheshi Skëndërbej, drejt Kryeministrisë.

cna news, cna lajme, lajme cna, lajme flash cna, cna.al, cna lajme politike,Mesa duket protestat kanë ?shkundur? Qeverinë e kryeministrit Edi Rama. Ky i fundit përtej arrogancës së tij, dhe tentativave për t?u justifikuar duke thënë se ?janë një pakicë e zhurmshme?, në fakt po tregon qartë se ngritja në këmbë e qytetarëve, i ka ?shkund? Qeverinë.

Kjo tregohet në një detaj. Për tre ditë Rama ka mbajtur disa qëndrime publike. Ka dalë edhe në deklarata për mediat, ku ka tentuar të justifikojë çmimet me ?luftën? në Ukrainë.

Dhe për më tepër, Rama e ?harroi? tregun. Ishte vetë kryeministri që rritjen e çmimeve, përfshirë edhe atë të karburanteve e justifikonte me ?çmimet e tregut?. Rama deklaronte se ?jemi në demokraci, çmimet nuk vendosen nga Qeveria, por nga tregu?.

Por, papritur Rama e ?harroi? tregun dhe dje doli e tha se do jetë një Bord, i cili do të vendosë çmimin e karburanteve. Gjithashtu ai kërcënoi furnizuesit e naftës se nëse shikohet një tab

elë me çmime ndryshe nga ai që ka vendosur bordi, do të ndëshkohet me humbjen e pikës së karburantit.

Ndërkohë, Rama ka reaguar sërish mëngjesin e sotëm, ku në një postim në rrjetet sociale shkruan ?Mirëmëngjes dhe me konfirmimin se nga sot, me ngritjen e Bordit Kombëtar të Administrimit të Karburantit, çmimet do të kalojnë në filtrin e transparencës, për të mos lejuar asnjë abuzim në kurriz të qytetarëve dhe marzhi i fitimit do të ngrijë sepse kjo nuk është kohë për të nxjerrë fitime, po për të rezistuar të gjithë së bashku, ju uroj një fundjavë të mbarë?.

Por, ku ishte Qeveria deri tani?

Pse Rama e harroi tregun, pikërisht pas fillimit të protestave?

Rama thotë nuk do ?lejohet më abuzimi në kurriz të qytetarëve?. Kjo do të thotë se ai e pranon që është abuzuar në kurriz të qytetarëve? Qeveria pse nuk ndaloi abuzimin, para prostestave?

Por, u desh ngritja e qytetarëve, mbushja e shesheve në të katër anët e vendit që Rama të ?zgjohet?.

Rama i ka frikë qytetarët, ka frikë nga bashkimi i tyre, edhe pse tenton t?i quajë ?pakicë?. Sjellja dhe reagimi I tij tregojnë se ai po ?gjunjëzohet? para tyre./CNA.al





Lajmet e fundit nga