web counter
LEXO PA REKLAMA!

SHKARKO APP

App Store
Google Play

U procedua penalisht nga policia e Korçës/ Spaho reagon për herë të parë

12 Mars 2022, 09:17, Politikë CNA

Deputeti i PD Edmond Spaho është një nga personat e proceduar nga policia e Korçës, për shkak të pjersëmarrjes në protestën kundër rritjes së çmimeve, që u organizua gjatë ditës së djeshme në këtë qytet.

Por për Spahon, këto veprime janë një lojë e policisë për të trembur qytetarët që të mos marrin pjesë në protesët, ndërsa shton se nuk do ti përgjigjej pozitivisht ftesës së policisë, për të shkuar në komisariat, pasi edhe sot do ti bashkohet protestave të qytetarëve.

?Është e drejta ime dhe e çdo qytetari që të protestoj, nuk do të paraqitem në polici. Më morën në telefon dje pas protestës, dhe ua bëra të qartë se nuk do të paraqitem, pasi edhe sot do të jem në protestë.

Këto janë lojëra të policisë, që të trembin qytetarët që të mos marrin pjesë në protestë, nuk kanë për tia arritur qëllimet. Edhe ato ndalimet që bëjnë janë të paligjshme, ka një vendim të Gjykatës Kushtetuese, që e thotë qartë se nuk ka nevojë për lajmërim që të protestosh.

Qytetarët kanë të drejtë që të protestojnë, apeli është që qeveria ti thërrasë mendjen, dhe të zgjidhë problemet e qytetarëve, nëse nuk i zgjidh protestat do të përshkallëzohen”, u shpreh Spaho në një reagim për media./E.K-CNA.al





Lajmet e fundit nga