web counter
LEXO PA REKLAMA!

SHKARKO APP

App Store
Google Play

E fundit!

x

Bardh Spahia fitoi Bashkinë Shkodër/ Këlliçi: U shpëtua pluralizmi politik, çfarë tregoi Shtëpia e Lirisë

7 Mars 2022, 18:20, Politikë CNA

Anëtari i Komisionit të Rithemelimit dhe deputeti i PD Belind Këlliçi ka reaguar pas shpalljes së rezultatit final për zgjedhjet e pjesshme, ku 5 bashki u fituan nga PS dhe një nga koalicioni Shtëpia e Lirisë, ndërsa Lulzim Basha doli i fundit.

Në një postim në rrjetin social Facebook, ai shkruan se Shkodra shpëtoi pluralizmin politik, ndërsa u bën ftesë demokratëve të tjerë që të bashkohen me Komisionin e Rithemelimit për të ndërtuar një ofertë politike për të gjithë shqiptarët.

Ai tha më tej se Shtëpia e Lirisë tregoi se opozita nuk është asgjësuar, ndaj ka falenderuar të gjithë demokratët për mbështetjen.

?Falenderoj Z. Bardh Spahia dhe ekipin e tij për shërbimin që i bënë vendit me fitoren e tyre!

Urime nga zemra!

Shkodra shpëtoi pluralizmin politik!

Shtëpia e Lirisë tregoi se opozita nuk është asgjësuar.

Kandidatët tanë morën votëbesimin e shumicës së demokratëve duke konfirmuar mbështetjen për procesin e rithemelimit të PD. I falenderoj të gjithë kandidatët për besnikërinë ndaj demokratëve!

Partia Demokratike nuk ka qenë kurrë forcë e tretë dhe nuk i ka hyrë kurrë një gare për statistikë.

I bëj thirrje atyre demokratëve që presin ende që Basha të fitojë, se nuk ka më kohë për të humbur me të humburin!

Të bashkohemi!

Ne jemi të gjithë demokratë. 

Të bashkohemi për të ndërtuar një ofertë politike për të gjithë shqiptarët!

Një njeri i vetëm nuk na ndan dot!?, shkruan Këlliçi./E.K-CNA.al





Lajmet e fundit nga