web counter
LEXO PA REKLAMA!

SHKARKO APP

App Store
Google Play

Nis seanca plenare/ Pritet miratimi i rezolutës kundër agresionit rus në Ukrainë

7 Mars 2022, 16:37, Politikë CNA

Kuvendi i Shqipërisë është mbledhur sot në një seancë plenare ku pritet të miratohet rezoluta për mbështetjen e sovranitetit territorial të Ukrainës, kundër agresionit rus.

Në sallë i pranishëm është edhe ambasadori i Ukrainës, Volodymyr Shkurov.

I pari që mori fjalën ishte ish-kryeministri Sali Berisha.

Berisha është shprehur se rezoluta që deputetët e Komisionit të Rithemelimit të Partisë Demokratike kanë hartuar është shtyrë për diskutim për një ditë tjetër dhe se mazhoranca refuzoi çdo lloj kompromisi midis dy rezolutave.

“Siç jeni në dijeni, një rezolutë në mbështetje të Ukrainës është kërkuar të paktën 1 muaj më parë dhe natyrisht mbështetja për Ukrainën është një akt moral, ligor i detyrueshëm sot. Një grup deputetësh kanë dorëzuar një rezolutë. Mazhoranca refuzoi çdo lloj kompromisi midis dy rezolutave. Tani më thonë se keni shtyrë rezolutën për një ditë tjetër. Këtu janë 2 rezolutat, është e domosdoshme për grupin që kanë hartuar rezolutën, të përpiqen të gjejnë pikat e përbashkëta. Por që të ecni me imponim në një kohë që rezoltua të ishte në parlament. Tani ju për interesa të paqëndrueshme e keni shtyrë për javën tjetër. Nuk dua të bëjmë beteja politike me njëri-tjetrin“, tha Berisha./E.K-CNA.al





Lajmet e fundit nga