E fundit!

16:41 Aktualitet

Marshim dhe thirrje kundër qeverisë/ Mbahet sot protesta e 45-të në Tiranë

Ditën e sotme mbahet protesta e 45-të qytetare kundër qeve...

Sulmi rus në Ukrainë/ Berisha dhe Balla përplasen në Kuvend

7 Mars 2022, 18:11, Politikë CNA

Agresioni i Rusisë në Ukrainë ka përplasur ish kryeministrin Sali Berisha dhe kreun e grupit parlamentar të PS Taulant Balla në Kuvend.

Teksa në seancë po diskutohej për miratimin e rezolutës kundër agresionit rus, Berisha e vuri theksin te Ballkani i Hapur, duke akuzuar se është nismë që synon rritjen e influencës ruse në Rajonin e Ballkanit Perëndimor. Ai i quajti deputetët ‘skllevër të Ramës’ që nuk guxojnë të denoncojnë këtë nismë.

“Rezoluta është deficitar edhe në aspektin tjetër. Cilido që njeh historinë e konitetit, ambiciet e Rusisë kanë qenë Adriatiku dhe Dardanelet. A mund të rrimë ne kaq të pazë në një kohë kur ai agresion në Ukrainë, synon detin Adriatik. Rusia Adriatikun dhe Dardanelet, i ka jetike për të shkaktuar rrugët dhe për të dominuar në Mesdhe.

Çështje këtu del edhe Ballkani i Hapur. Një nismë që është në funksion të hegjemonizmit serb dhe influencës ruse në Rajon. Vladimir Putin është një kriminelvë vjen nga KGB, por po kaq kriminel është ALeksandër Vuçiç që ishte indoktrinar i gjenocidit në Kosovë dhe Bosnje dhe pritet që ai të jetë faktorë paqeje. Është gabim i madh shumë. Por Rama e ka si vëlla Vuçiç dhe nuk ju lejon të thoni një fjalë të vetme për Ballkanin e Hapur“, tha Berisha ndër të tjera.

Por Balla ka replikuar me ish kryeministrin, teksa e konsideroi një ?turp? fjalën e tij, e duke i kërkuar që të mos sjellë në Kuvend ‘hallet e tij personale’.

“Fatkeqësi shumë e madhe që në kushtet e një plage të madhe në mes të Europës, të çohet dikush që ka qenë President e kryeministër e të fyej viktimat e familjet që janë detyruar të lënë Atdheun dhe të hedhë të njëjtat kunja për çështje të orekseve të politikës së brendshme. Turpi ka një emër dhe i mbetet atij që sapo foli. Rezoluta erdhi si nevojë që Kuvendi të mbante qëndrimin e tij. I përket 4 grupeve parlamentare në këtë sallë dhe unë nuk njoh më shumë se kaq. Ka qenë diçka për t’u përshëndetur duke vlerësuar seriozitetin e kolegëve që mbi oreksin politik të ditës vendosën nevojën e një dakordësie. Rezoluta është në të njëjtën linjë me standard me atë të Kongresit ët SHBA, Parlamentit Europian, Bundestagut.

Ky është dokument që do i shkojë ambasadave tona, delegacioneve tona. Mund të kesh 1 mijë arsye për të bërë opozitë, por ky diskutim i këtij njeriu që s’kishte lidhje me Ukrainën… Halli yt nuk mund të jetë halli i këtij Kuvendi. Rezoluta dënon agresion ushtarak rus në Ukrainë dhe shkeljen e rëndë nga Rusia të sovranitetit të Ukrainës, si një akt që dhunon rendin ndërkombëtar. I ftoj kolegët deputetët t’i lëmë mënjanë kunjat, ky është dokument që shpreh vullnetin 100% pa asnjë dallim me ata miqtë atje, popullin e Ukrainës. Ne kemi një minoritet shqiptar në Odesa, por lidhjet kulturore me popullin e Ukrainës duhej të ishin sot diskutimet dhe jo ato për turp (ngrije kokë), si mund të ketë patur Shqipëria President e kryeministër si ai?! Turp!“, u shpreh Balla./E.K-CNA.al