E fundit!

20:46 Politikë

“Në drejtimin e duhur me kalendarin ambicioz”/ Rama: Jam optimist në mënyrën më shqiptare për mbylljen e kapitujve

Kryeministri Edi Rama gjatë fjalës së tij në konferencën n...

'Dibra në liqen'/ Denoncim: Rama dhe Gjiknuri kërcënojnë dibranët

28 Shkurt 2022, 09:59, Politikë CNA

Kandidati i koalicionit “Shtëpia e Lirisë” për bashkinë e Dibrës, Premtim Kryemadhi, ka dneoncuar se kryeministri Edi Rama ka kërcënuar dibranët.

Sipas tij, Rama me arrogancën që e karakterizon, dje kërcënoi hapur dibranët dhe të rinjtë që kanë mbetur në Dibër me projektin për Skavicën dhe Rrugën e Arbrit.

?Edi Rama iu tha dibranëve në Dibër, “do të krijojmë një liqen të bukur”.

Arroganca e Kryeministrit vjen ndër të tjera nga mungesa në vite e opozitës reale në vend. Edi Rama iu tha dibranëve se Rruga e Arbrit do të përfundojë shpejt nëse votoni kandidatin e PS-së!

Ky njeri mendon se Rrugën e Arbrit po na e bën dhuratë me paratë e tij.

Ju kujtojme se qeveria tjetër, 100 km (Rrugën e Kombit) e përfundoi në dy vite?, është shprehur Kryemadhi.

Sipas edhe sekretari i Përgjithshëm i PS-së Damian Gjiknuri ka vepruar në të njëjtën mënyrë.

“Qershia mbi tortë” ishte thënia e Damian Gjiknurit: “Interesi i Dibrës – Rahimi, vazhdoni investimin, vëreni Kryeministrin në sedër”!!!

Këta njerëz nuk dinë të ndalen. Këta mendojnë se investimet bëhen nga paratë e Kryeministrit dhe duhet ta prekesh në sedër atë që të përfundojë investimi.

Këto janë “mrekullitë” që nxjerin nga goja figurat kryesore të Rilindjes. Kjo vjen nga kapja e plotë e institucioneve dhe mungesa e arbitrit në zgjedhje?, shprehet më tej Kryemadhi.

Kandidati i koalicionit “Shtëpia e Lirisë, ka kërkuar më tej reagimin e KQZ-së përballë kësaj situatë.

Ai ka dënuar heshtjen e këtij institucioni.

?Heshtje totale e KQZ-së për këto shkelje flagrante të ligjit është dëshmi tjetër e kapjes së institucioneve.

Nëse KQZ nuk reagon ndaj këtyre deklaratave dhe atyre të diplomatëve të huaj në Shqiperi, atëherë kush do të mbrojë të drejtat tona si kandidatë?!

Të nderuar qytetarë!

Të gjithë të bashkuar të shkojmë në datën 6 Mars të votojmë për ndryshimin e kësaj gjendjeje, për të sjellë tek qytetarët shpresën, ndryshimin dhe fitoren?, përfundon reagimin e tij Kryemadhi./CNA.al