web counter
LEXO PA REKLAMA!

SHKARKO APP

App Store
Google Play

E fundit!

x

“Lul Brava njeh vetëm humbje”/ Berisha demokratëve: Votoni Bardh Spahinë, është bir i Shkodrës

27 Shkurt 2022, 15:18, Politikë CNA

Lideri historik i PD-së Sali Berisha në fjalën e tij në Bërdicë të Shkodrës, deklaroi se kandidati i Shtëpisë së Lirisë për këtë bashki, Bardh Spahia, është i duhuri.

Berisha theksoi se Bardh Spahia është bir i Shkodrës, e do të jetë shërbëtori juaj në krye të bashkisë.

Ndërsa duke iu referuar kundërshtarit, Berisha tha se Xhemal Bushatin nuk e lidh asnjë gjë me Lul Bravën, ndërsa shtoi se ky i fundit njeh vetëm humbje.

?Kam kënaqësi të prezantoj para jush një bir të Shkodrës, djalin e një njeriu që mishëronte humanizmin e madh, Ali Spahinë. Bardh Spahia do jetë shërbëtor juaj, do bëjë çdo gjë që votën tuaj ta kthejë në shërbime më të mira për ju e fëmijët tuaj, do bëjë gjithçka që taksat tuaja të përdoren sa më mirë për zhvillimin e kësaj komune. Shkodra e veriu kanë njohur diskriminimin më të madh nga Rama, siç nuk ka ndodhur kurrë më parë.

Bardh Spahia është biri juaj e përkushtimi i tij ndaj Shkodrës sigurisht do jetë maksimal. Të rinjtë janë larguar, sepse këtu nuk ka më shpresë. Sot vjedhin me dogana kontrabandë e kalbin prodhimet tona, që janë të pakrahasueshme për cilësinë e tyre, e tani thotë se do heqim doganet me Serbinë. Fermeri serb ka subvencione për çdo gjë që prodhon, ndërsa fermeri shqiptar nuk ka ndonjë përparësi. Ndaj më 6 mars votoni Bardh Spahinë, që do ndryshojë fytyrën e Shkodrës. Vota për kandidatët e tjerë është votë kundër Shkodrës.  Xhemal Bushatin nuk e lidh asgjë me Lul Bravën. Lul Brava njeh vetëm humbje, është humbja?, deklaroi Berisha./E.K-CNA.al





Lajmet e fundit nga