web counter
LEXO PA REKLAMA!

SHKARKO APP

App Store
Google Play

Dhjetëra shqiptarë protestë para ambasadës ruse në Tiranë/ Krah tyre edhe ambasadori i Ukrainës

27 Shkurt 2022, 16:33, Aktualitet CNA

Dhjetëra qytetarë shqiptarë dhe ukrainas në Tiranë kanë protestuar pasditen e sotme në mënyrë paqësore në ambientet para ambasadës ruse.

Ata kanë marshuar me flamurin e Ukrainës në duar duke bërë thirrje kundër Putin.

Krah tyre ka qenë edhe ambasadori i Ukrainës në vendin tonë Volodymyr Shkurov.

Protestuesit kanë valvituar një flamur gjigant ukrainas përpara ambasadës ndërsa në duar mbajnë edhe pankarta në të cilat janë shkruar mesazhe si ?Jepini fund luftës, përpara se ajo t?u japë fund juve.?

Protestuesit bëjnë thirrje ?stop luftës, dhe poshtë diktatori?, duke iu referuar liderit rus Vladimir Putin.

Ndërkohë që ambasadori i Ukrainës në Tiranë, Volodymyr Shkurov, mes protestuesve në kryeqytet para Ambasadës Ruse, tha se lufta në Ukrainë duhet të ndalet ndërsa i bëri thirrje popullit rus që të ngrihet e t?i thotë Presidentit Vladimir Putin që të ndalojë me sulmet. Sakaq, Shkurov deklaroi se nuk mendojnë vetëm për Ukrainën, por për të ardhmen paqësore të të gjithë Europës e më tej. Sakaq, ambasadori deklaroi se perëndimi po ju ofron armë.

“Kanë vdekur 16 fëmijë. Ushtria bën punën e saj. Lufta duhet të ndalet. Dua t’i drejtohem atyre që nuk shkojnë dot në vendstrehime. Kam parasysh ato në moshë të thyer, të sëmurë dhe që s’mund të lëvizin. I bëj thirrje popullit rus, se kanë një person që ka në dorë një buton të kuq. Sot nuk mendojmë vetëm për Ukrainën, por dhe Europën, duam një të ardhme paqësore. Populli rus ti thotë liderit të vet jo luftës, dhe kjo duhet të ndalet. I përulem popullit shqiptar që është ngritur në këtë protestë. Shpresoj që diçka të arrihet në negociatat që do zhvillohen. S?ka një shtet që mund të mbrohet nga armët bërthamore, por ju drejtova popullit rus që t?i flasin kreut të tyre?, tha Shkurov./E.K-CNA.al





Lajmet e fundit nga