E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

VIDEO/ Ortakët e Bashës manipulojnë fjalën e Berishës për Vangjush Dakon

14 Shkurt 2022, 18:23, Aktualitet CNA

Mediat pranë Lulzim Bashës, të financuara nga inceneratorët dhe të specializuara për manipulime provash dhe gënjeshtra, tjetërsuan fjalën e Liderit historik të Partisë Demokratike Sali Berisha gjatë një takimi të zhvilluar në Durrës. Teksa Berisha akuzonte Vangjush Dakon për betonizimin dhe keqqeverisjen e Durrësit, mediat pranë Bashës manipuluan fjalën, duke i dhënë kontekst të kundërt. Syri TV sjell provat e tjetërsimit të fjalës së ish-kryeministrit nga ortakët e Lulzim Bashës.

Lulzim Basha dhe ortaket e tij mediatik të financuar nga inceneratorët arriten sot kulmin duke tjetërsuar fjalët e liderit historik të Partisë Demokratike Sali Berisha.

Në të njëjtën linjë ka qenë edhe Mero Baze me Gazetën Tema, duke shtuar dozën e sulmeve ndaj Berishës.

Ja si është tjetërsuar në favor të Dakos fjala e zotit Berisha nga mediat e ortakëve të Lulzim Bashës, Irfan Hysenbelliu dhe Mero Baze.

Por çfarë ka deklaruar ekzaktësisht zoti Berisha?

“Durrësi ka 22 vite që qeveriset nga socialistët. Nuk ka njeri që mund të thotë sot se Durrësi është më i mirë se sa ç?ishte 22 vite më parë.

Jo, dhe po të shkojmë pak më tutje, sidomos zona e plazhit, nga një nga zonat më të bukra që ishte, ajo është rrënuar përfundimisht nga pallatet.

Ajo çfarë ka ndodhur në 22 vite është se Durrësi është mbuluar nga betoni i Gjushit i cili duhet të pranojmë , një njeri që kishte për ideologji të vetme më shumë se çdo gjë tjetër, shitjen e betonit të vet.

Priste-përcillte, kushdo që shkonte derën e kishte të hapur. Synimi ishte të shiste beton. Lejet e ndërtimit i kishte si me bankomat. Por problemi është se kishte interesin e betonit. Kjo është e vërteta dhe kjo ishte çmenduri sepse ishte një dëm i jashtëzakonshëm që ju bë qytetit?.

Berisha jo vetëm që nuk I ka njohur meritat, por e ka cilësuar atë si shkakun kryesor që Durrësi sot nuk është më mirë as sa 22 vite më parë, e kjo për faktin se Bashkia është përdorur vetëm për interesa klienteliste të Vangjush Dakos e Edi Ramës”.

Pas reagimit të Berisha dhe denoncimit publik të manipulimit me fjalët e tij, Balkanweb ka hequr linkun me fjalët e tjetërsuara të ish-kryeministrit.