E fundit!

12:36 Politikë

"Të thuash ke shpirtin e bukur, vetë ti mund ta bësh"/ Lamallari ironizon Balliun: Je delirant

Ministri i Brendshëm, Besfort Lamallari në interpelancën e...

Bashkëpunimi me universitetet në Itali/ Rama: Sfidë frenimi i largimit të të rinjve

7 Shkurt 2022, 14:01, Politikë CNA

Kryeministri Edi Rama ka udhëtuar drejt Italisë, ku në qendër të kësaj vizite është bashkëpunimi në fushën e arsimit, lidhur me ndërlidhjen e universiteteve.

Gjatë një takimi me rektorët e universiteteve italiane, Rama tha se sfidë e përbashkët mes dy shteteve mbetet largimi i të rinjve. Duke folur për bashkëpunimin ndërmjet universiteteve tona dhe atyre në Itali, Rama vuri theksin e bashkëpunimit në fushën e mjekësisë.

?Problemet që janë tani të pranishme në universitete janë njëherësh edhe të përbashkëta, prsh problemi i largimit të të rinjve. Kjo është një sfidë e përbashkët. Do na duhet të kuptojmë dhe ta orientojmë këtë problem në mënyrë racionale, pa rënë në kurthin e politikave të të shkuarës të cilët nuk kanë ndryshuar asgjë në këtë situatë. Ne duhet të shfrytëzojmë të gjitha mënyrat për të ndërkombëtarizuar universitetet tona.

T’u japim mundësinë aty që të studiojnë në Shqipëri dhe të kenë në dispozicion programe dhe një cilësi të ngjashme me atë që kanë në Itali. Me universitet italiane mund të shkohet para, që ekziston një lidhje e veçante mes Italisë dhe Shqipërisë. Është një pjesë e tokës së tyre e ëndrrave të tyre. është një det që na ndan, por ekziston një përkatësi e përbashkët që është jashtëzakonisht e përbashkët. Marrëdhënia me Italinë është një marrëdhënie e veçantë sa i takon arsimit. Italia ka një gadishmëri për të na dhënë më shumë e sidomos në atë që është më e rëndësishme njohurinë. Jemi me fat që ju kemi juve kaq afër dhe kaq të gatshëm që të mund të mësojmë më shumë dhe të mësojmë më shpejt. Duhet ti japim më shumë botë dhe pushtet botës së universiteteve.

Bashkëpunimi në fushën e mjekësisë. Kjo është një temë që ngjall interes jo vetëm për ne por edhe për Italinë. Është një sektor ku fare qartë edhe në Itali ndihet nevoja jo vetëm për të frenuar studentë por edhe për të mbajtur mjekë dhe infermierë ne vende që janë më pak tërheqëse. Në këtë mënyrë në mund të rrisim së bashku numrin e mjekëve dhe infermiereve që mund të vihen në shërbim të komuniteteve edhe në ato zona të thella.?- tha Rama.