E fundit!

20:52 Politikë

Qëndrimet ndaj Tahir Sinanit dhe UÇK-së/ PD: Akt antishqiptar i orkestruar nga Rama

Partia Demokratike ka reaguar sot lidhur me qëndrimet e kr...

Aleanca “e dashnisë së fjetur”/ Ish-presidenti publikon faktet që “turpërojnë” Bashën

2 Shkurt 2022, 13:27, Politikë CNA

Ish-presidenti Bujar Nishani ka komentuar sulmet e Lulzim Bashës ndaj koalicionit ?Shtëpia e Lirisë?, si dhe akuzat në lidhje me LSI.

Në një postim në rrjetet sociale, Nishani publikon një foto, ku tregohet se Lulzim Basha kandidoi në Tiranë në zgjedhjet e 2011, si kandidat i aleancës PD+LSI.

Po ashtu Nishani risjell në vëmendje edhe marrëveshjen e Bashës me LSI, para zgjedhjeve të 25 prillit 2021.

Më tej, ai shigjeton edhe kryeministrin Rama, ndërsa shkruan se ?Sot aleanca ?e dashnisë së fjetur?, Luli-Edi, duket shumë e ?indinjuar? dhe ?revoltuar? nga Shtëpia e Lirisë dhe lëvizja opozitare e shqiptarëve.?

?Media ka diskretituar edhe njëherë sot propagandën e Lul Kimikut, gatuar në guzhinën e shefit të tij, Edi Ramës.

Media ka treguar se si në zgjedhjet lokale të 2011, Lul kimiku u paraqit përpara votuesve të kryeqytetit si një kandidat i aleancës PD + LSI, duke u servilosur përgjatë të gjithë asaj fushate, në mënyrën më të padenjë ndaj asaj partie, që për hir të së vërtetës vendosi animin e peshores nga fitorja e Lul kimikut.

Në zgjedhjet e 25 prillit, Lul kimiku doli përpara të gjithë shqiptarëve duke nënshkruar marrëveshjen publike të ?bashkëqeverisjes me LSI pas zgjedhjeve?.

Besoj se e mban mend mirë këtë çdo shqiptar.

Sot aleanca ?e dashnisë së fjetur?, Luli-Edi, duket shumë e ?indinjuar? dhe ?revoltuar? nga Shtëpia e Lirisë dhe lëvizja opozitare e shqiptarëve.

Lul kimiku (pavarësisht se i helmoi me gas policesk) harron se kandidatët e Shtëpisë së Lirisë në të 6 (gjashtë) bashkitë janë demokratë 24 karatë.

Protektori i elementëve me rekorde të rënda kriminale (vrasës, trafikantë, zhvatës) që i strehoi në zyrën e tij në seli, harron se kandidatët e Shtëpisë së Lirisë u votuan në përzgjedhje nga mijëra demokratë e demokrate, të cilët pengu i la në mëshirën e rregjimit për 12 (dymbëdhjetë) vite rrjesht.

Kandidatët e Shtëpisë së Lirisë kanë një dallim të madh nga pengu dhe çirakët e tij.

Ata nuk janë tenderaxhinjë të rregjimit, nuk janë blerë me leje ndërtimi mbi troje të grabitura shqiptarëve.

Ata nuk janë lëpirës të kockave që rregjimini hedh nga kazani ku zien i tërë helmi i hajnisë dhe tradhëtisë.

Shtëpia e Lirisë do ta shembë këtë rrjetë korruptimi, ligësie, intrige e antishqiptarie, endur për shumë e shumë vite, kundër shqiptarëve.

Sot për pluralizmin, nesër për Shqipërinë ?-shkruan Bujar Nishani./CNA.al