web counter
LEXO PA REKLAMA!

SHKARKO APP

App Store
Google Play

E fundit!

x

Fatos Tushe prej 6 muajsh në qeli/ Ish kryebashkiaku socialist “ping pong” nga GJKKO në SPAK

2 Shkurt 2022, 10:23, Politikë CNA

GJKKO ka shtyrë seancën për ish kreun e Bashkisë Lushnje, Fatos Tushe.

Seanca është shtyrë me datë 8 shkurt, për Tushen dhe të pandehurit e tjerë, pasi GJKK0 i ka kërkuar SPAK, të plotësojë dosjen me akte të tjera hetimore.

Fatos Tushe u arrestua me urdhër të Prokurorisë së Posaçme (SPAK) bashkë me 10 persona të tjerë vartës të tij dhe biznesmenë, me akuzën e abuzimit me tenderin 240 milionë lekë për rehabilitimin e një kanali vaditës në fshatrat Bishqethëm dhe Bitaj.

Ky tender është fituar nga një kompani EuroAlb shpk, që kishte sjellë ofertën më të lartë, por më pas punimet dhe fitimet dhe punën e ka bërë një kompani tjetër, e biznesmenit Ibrahim Lami.

Ky i fundit, nga sa specifikohet në dosje, ka lidhje të ngushtë shoqërore me Tushen dhe Peqinin, si edhe lidhje familjare me biznesmenin që ishte shpallur fitues i tenderit, Bujar Murati dhe në fund paratë i ndanin bashkë.

Tushe ka dalë edhe në përgjimet e SPAK-ut, teksa abuzon me karburantin e shtetit, duke furnizuar makinat e të njohurve dhe familjarëve të tij. Me një vendim të Këshillit të Ministrave, ai u shkarkua nga detyra e kryebashkiakut të Lushnjës./E.S-CNA.al





Lajmet e fundit nga