web counter
LEXO PA REKLAMA!

SHKARKO APP

App Store
Google Play

KQZ i përgjigjet Metës për vakancat/ Skënderaj: Reagim i drejtë dhe ligjor

18 Janar 2022, 19:55, Politikë CNA

Komisioni Qendror i Zgjedhjeve i është përgjigjur ditën e djeshme kërkesës së presidentit Ilir Meta lidhur me numrin e vakancave në bashkitë e vendit.

Në përgjigjen e saj, KQZ informoi Metën se janë 3 bashki pa kryetar, ndërsa për 3 të tjerat dha argumentin se nuk ishte njoftuar nga Këshilli i Ministrave.

Ish-anëtari i KQZ, Bledar Skënderaj ka reaguar në lidhje me përgjigjen e KQZ kthyer ndaj presidentit, i cili në një intervistë për emisionin Debat me Alba Alishanin në A2 tha se përgjigja e KQZ është ligjore dhe e drejtë. Ai shtoi se KQZ nuk e ka detyrim të prezantojë vakancat.

?Kur ndërpritet mandati i një kryetari bashkie, normalisht njoftohet presidenti dhe ai duhet të shpallë datën e re të zgjedhjeve jo më vonë se 45 ditë nga njoftimi. Në periudhën kur kam qenë në KQZ, kam qenë prezent kur nuk ka marrë mandatin kreu i Bashkisë së Shkodrës dhe është njoftuar presidenti i Republikës.

Nuk është detyrim i KQZ për të prezantuar vakancën. E ka shumë të qartë ligji. KQZ me të drejt i ka kthyer një përgjigje të drejtë ligjore presidentit. Presidenti nuk mund të pyesë ?di gjë ti se çfarë ka ndodhur?. KQZ i ka kthyer përgjigje për 3 rastet që ka marrë njoftim. Unë besoj se presidenti ka marrë përgjigje për 6 bashkitë që ka vakanca. Për rastin e Shkodrës, presidenti është njoftuar zyrtarisht?, u shpreh Skënderaj./CNA.al





Lajmet e fundit nga