web counter
LEXO PA REKLAMA!

SHKARKO APP

App Store
Google Play

E fundit!

x

Rama mbron aferën e shekullit/ Justifikon një mal me para, për një mal me plehra

30 Dhjetor 2021, 11:34, Politikë CNA

Koncesioni i inceneratorëve është një ndër më të akuzuarit në Shqipëri. Një koncesion, i quajtur edhe si afera korruptive e shekullit.

CNA.al prej më shumë se një viti ka denoncuar, në një sërë shkrimesh investigative, koncesionet e inceneratorëve, një histori fillon në Elbasan me 22 milionë euro, shkon në Fier me 28 milionë euro, për të ardhur më pas në Tiranë, me një kontratë fillestare prej 128 milionë euro.

Tashmë në lidhje me këtë aferë, kemi edhe një ish-ministër të vënë në pranga.

Kujtojmë këtu se Lefter Koka, ish-ministër i Mjedisit në qeverinë ?Rama 1?, u vu në pranga pas një hetimi të SPAK, në lidhje me koncesionin e inceneratorit të Elbasanit.

Por, Rama sot ka tentuar të justifikojë abuzimin me disa dhjetëra milionë euro dhe hallin e tij të madh që e ka zënë me kompanitë e inceneratorëve, me faturat e majme dhe mungesën e ndërtimit.

Kryeministri po përpiqet të justifikojë inceneratorët dhe shumat e parave të mëdha të përdorura, me zhdukjen e maleve me plehra.

Gjatë një konference për mediat sot Rama ka vijuar të mbrojë këtë aferë, me justifikimin se ka zhdukur ?male me plehra?.  

?Ato vepra janë shpëtimtare për njerëzit, të cilëve ju i qani hallet, dhe që duhet t?i informoni me saktësi. Janë vepra që kanë një benefit shumë të madh. Janë vepra të cilat janë të destinuara ti kthehen shtetit, janë pronë e shqiptarëve. Impinati i Elbasanit është pronë e bashkisë së Elbasanit, e një qyteti që ishte mbuluar nga tymi i plehrave që digjeshin në mes të qytetit. Mos hedhim “beben” bashkë me ujin e ndotur. Ato vepra janë strategjike për vendin tonë?-tha Rama.

Pra, Rama kërkon të justifikojë një mal me para, për një mal me plehra.

Por, mesa duket kryeministri ka ?harruar? t?iu thotë qytetarëve se kjo faturë është të paktën 178 milionë euro.

Pra, me tre kontratat e firmosura në Tiranë, Elbasan dhe Fier. Dhe nuk ka incenerator në funksion as në Tiranë dhe as në Fier. I vetmi incenerator ekzistues është ai i Elbasanit.

Në Tiranë, nga ana tjetër, në kodrat e Sharrës, kemi vetëm një landfill.

Vendoset poshtë një qese e një teknologjie të caktuar, hidhen plehrat, hidhet dhe sipër dhe plehërat mbulohen. As në Tiranë nuk ekziston inceneratori. As në Fier nuk ka incenerator funskional. Janë me dhjetëra e dhjetëra milionë euro të paguara nga taksat e shqiptarëve, dhe vetëm disa muaj më parë, qyteti i Fierit u mbulua nga shtëllunga tymi, nga plehrat që digjeshin.

Inceneratorët janë një aferë, e cila duhet zbardhur e duhet hetuar fillim e mbarim. Nuk fillon dhe as nuk mbaron gjithçka me Lefter Kokën./CNA.al

Kur do të hetojë SPAK, kompanitë e Vjollca Hoxhës dhe Ben Blushit, në ortakëri me inceneratorët?!

REDAKSIONALE/ Inceneratorët, Top Channel, Ben Blushi dhe milionat që akuzojnë





Lajmet e fundit nga