web counter
LEXO PA REKLAMA!

SHKARKO APP

App Store
Google Play

E fundit!

x

“Njerëz, jini vigjilentë”/ Gazetari tregon si po vidhen qytetarët në supermarkete

30 Dhjetor 2021, 10:13, Politikë CNA

Gazetari Mentor Kikia shkruan se me rastin e festave të fundvitit, ku dhe ka blerje masive, qytetarët po vidhen në supermarkete.

Në një postim në rrjetet sociale, Kikia shkruan se në rafte reklamojnë çmime të tjera, në kase kur skanohet barcodi, rezulton tjetër çmim, kuptohet më i lartë.

?Njerëz, jini vigjilente. Në supermarkete po na vjedhin!

Po ndodh ajo që ndodhi edhe vjet, në të njëjtën kohë. Në supermarkete, tregtarët ose heqin etiketat e çmimeve, ose mashtrojnë me etiketa të dyfishta.

Në rafte reklamojnë çmime të tjera, në kase kur skanohet barcodi, rezulton tjetër çmim, kuptohet më i lartë. Duke qënë se për festa bëhen blerje në sasi të madhe produktesh, blerësi nuk ka mundësi ti mbajë mend çmimet e secilit produkt, por paguan totalin sa i thotë shitësja.

E kam të konfirmuar në të paktën tre supermarkete dhe nga disa njerëz që rastësisht kanë kapur mashtrimin. Kjo vërehet më shumë tek verërat, lodrat e fëmijëve dhe artikuj të tjerë, që këto ditë jemi të detyruar ti blejmë.

Verifikoni çmimet aty ku mungojnë dhe kontrolloni ato ku janë të ekspozuara.

Shperndajeni këtë postim, meqë ka edhe dy ditë blerje masive.?-shkruan Mentor Kikia./CNA.al





Lajmet e fundit nga