web counter
LEXO PA REKLAMA!

SHKARKO APP

App Store
Google Play

Po shkëlqen te Skënderbeu, braziliani Moraesh: Nuk e diskutojmë fitoren ndaj Kastriotit

17 Dhjetor 2021, 07:35, Sport CNA

Skënderbeu e ka lënë pas tashmë ndeshjen e humbur me shifrat 2-0 ndaj Vllaznisë dhe e ka përqendruar gjithë vëmendjen te beteja e radhës ndaj Kastriotit, një kundërshtar i përballueshëm për korçarët, që natyrshëm në këtë ndeshje pretendojnë vetëm fitoren, me qëllimin për t?u shkëputur sa më shumë nga zona e ftohtë e renditjes.

Agnaldo Moraesh, mesfushori i korçarëve, i cili sezonin e shkuar ishte pjesë e Kastriotit tregoi për gjendjen e mirë që ndodhet skuadra korcare aktualisht dhe përpiqet ta mbajë skuadrën me këmbë në tokë, duke e vlerësuar maksimalisht Kastriotin, që vjen nga një fitore ndaj Egnatias në ndeshjen e shkuar. Braziliani shprehet për “Panorama Sport” se ka besim te fitorja.

“Kam filluar të jem në një formë më të përshtatshme për të luajtur një ndeshje në kapacitetin e plotë timin dhe mund të them se jam mirë. Besimi në këtë ekip nuk më ka munguar, ndaj edhe për këtë jam i obliguar dyfish për të dhënë më të mirën time. Jam ndier mirë te Kastrioti dhe kam respekt për atë klub. Por tani jam pjesë e Skënderbeut dhe duhet të bëj gjithçka për këtë fanellë. Të tilla ndeshje vlejnë më shumë se tri pikë, prandaj jemi duke u përgatitur në maksimum. Vijmë nga momente të mira dhe nuk do ta diskutojmë fitoren në këtë takim”, u shpreh braziliani që ka fituar fanellën e titullarit me bardhekuqtë.





Lajmet e fundit nga