web counter
LEXO PA REKLAMA!

SHKARKO APP

E fundit!

x

Në Shqipëri e kontestojnë, UEFA shpërblen Enea Jorgjin

16 Dhjetor 2021, 20:39, Sport CNA

Enea Jorgji mbetet gjithmonë një emër i kontestuar në futbollin shqiptar, me klube të ndryshme të cilët herë pas herë ngrenë akuza kundër tij. Por jo për UEFA-n. Kjo e fundit ka vendosur që të ngjitë një kategori më lart bilbilin nga Elbasani.

Për herë të parë, Shqipëria do të ketë një arbitër kryesor në Kategorinë e Parë të UEFA-s, që i bie të jetë e dyta për nga rëndësia pas asaj Elitë.

Arsyeja është se nga Elitë dhe Kategoria e Parë janë larguar shumë gjyqtarë të cilët kanë mbyllur karrierën e tyre ose janë tërhequr nga arbitrimi ndërkombëtar. Kështu, një nga ata që ka përfituar nga zëvendësimi i të larguarve ka qenë edhe Jorgji, i cili tashmë pritet të ketë duele më të rëndësishme për të drejtuar në arenën ndërkombëtare.

Ndërkohë, është zhdukur përfundimisht Kategoria e Tretë dhe të gjithë arbitrat që ishin aty, janë zhvendosur në Kategorinë e Dytë. Aty gjenden edhe Eldorian Hamiti dhe Juxhin Xhaja, arbitrat e tjerë që mbajnë stemën e FIFA-s dhe drejtojnë në arenën ndërkombëtare.





Lajmet e fundit nga