web counter
LEXO PA REKLAMA!

SHKARKO APP

App Store
Google Play

Mensah: Fitorja detyrim ndaj Kastriotit, Skënderbeu nuk lufton për mbijetesë

16 Dhjetor 2021, 12:36, Sport CNA

Ndeshja e radhës është ajo që ka më shumë rëndësi për Skënderbeun pasi do të luajë në shtëpinë e vet ndaj një kundërshtari direkt për mbijetesë si Kastrioti. Njësoj si me Egnatian kjo ndeshje vlen më shumë se tri pikë për korçarët, pasi jo vetëm i shton më shumë pikë klasifikimit por lë pas një kundërshtar për garën e rënies nga kategoria. Megjithatë, për sulmuesin Mensah gjërat nuk duhen menduar kështu. Kjo, sipas ganezit, është një ndeshje e gjitha për t?u fituar, por jo përballje direkte pasi, sipas tij, Skënderbeu nuk është ekipi që do të luftojë për mbijetesë.

?Jam shumë dakord me faktin që është një ndeshje e rëndësishme sikundër janë të gjitha takimet e këtij sezoni dhe tri pikët në këtë takim janë një kusht i domosdoshëm për ne, por nuk mund të pajtohem me faktin që të quhet një ndeshje direkte për mbijetesë. Skënderbeu nuk është ekipi që do të luftojë për këtë objektiv dhe të jeni të sigurt për këtë. Ka pasur momente të vështira, por tani i kemi lënë pas. Shumë shpejt do të shihni se do të jemi në tjetër situatë. Për këtë ju siguroj?, deklaroi Alfred Mensah.





Lajmet e fundit nga