E fundit!

13:58 Aktualitet

Abuzuan me fondet dhe skemën e ndihmës ekonomike/ Jepen masa sigurimi për 6 zyrtarë

Me kërkesë të Prokurorisë pranë Gjykatës së Shkallës së Pa...

Zemra nuk i mbante më, Aguero publikon letrën e lamtumirës nga futbolli

15 Dhjetor 2021, 18:44, Sport CNA

Zemra nuk ia përballon më, por më e rëndësishme është që mendja është edhe më e shëndoshë. Për një futbollist profesionist nuk është një vendim i lehtë, por Sergio Aguero ka vendosur të dëgjojë mjekët dhe pas një karriere ta pasur është ndalur te Barcelona.

Nuk mundi të jepte kontributin e tij sa donte, por argjentinasit nuk mendon për çfarë do e priste në të ardhmen. Aguero është krenar për atë që ka bërë si futbollist dhe këtë e thotë edhe në letrën e tij të lamtumirës, që e ka publikuar në rrjetet sociale.

?Gjithmonë e kam ditur se do t?i jepja të gjitha për të pasur një shans për të luajtur sërish. Mirëpo, pas testeve të fundit, mjekët më këshilluan që të ndaloja së ushtruari futboll si profesionist. Fjalët e tyre ishin të mjaftueshme për të bërë një zgjedhje. Të dalësh në pension në këto rrethana është e vështirë, por jeta është e para dhe e kam ditur që në fillim këtë.

Një nga shumë gjëra që më mësoi futbolli është se mund ta kthesh humbjen në fitore. Nuk do të jetë ndryshe as këtë gjerë. Sigurisht është e dhimbshme, por nuk është tragjedi. Një tragjedi do të ishte tjetër gjë. Mendimet e mia nuk lidhen me atë që mund të kisha luajtur ende, por me 18 vitet e mrekullueshme që arrita të luaja.

Kjo karrierë e mahnitshme do të mbetet me mua. Do mbaj dashurinë dhe kujdesin që kam marrë nga secila prej skuadrave me të cilat kam luajtur kur isha vetëm fëmijë. Më pas isha të Independente, Atletico Madrid, Manchester City, Barcelona dhe kombëtarja e Argjentinës. Të gjitha kanë qenë shumë të dashura për mua. Mirënjohja ime shkon për tifozët, të cilët më qëndruan pranë. Mbështetja juaj më ka bërë më të fortë.

Dua të falënderoj të gjithë trajnerët, shokët e skuadrës, kolegët, stafin, përgatitësit fizikë dhe menaxherët që më lejuan të zhvilloj karrierën time në kushtet më të mira. Mirënjohja ime e veçantë shkon për familjen dhe miqtë e mi, të cilët ishin gjithmonë pranë meje. Gjithashtu edhe për menaxherët e mi, që i kam mbajtur që në moshën 14-vjeçare dhe më shoqëruan me profesionalizëm dhe ndershmëri maksimale.

Përtej titujve që kam kontribuar të fitoj ? diçka që e vlerësoj shumë ? arritja më e madhe ka qenë fitimi i respektit të kolegëve të mi dhe dashuria nga bota e futbollit. Kjo është diçka që nuk do të ndryshojë, do ta mbaj në zemrën time dhe do të më bëjë më të fortë për atë që vjen në të ardhmen.

Jeta vazhdon dhe ka shumë përpara. Do të jetë një fazë e re, vërtetë ndryshe, por unë do të vazhdoj ashtu siç kam bërë deri më tani: gjithmonë pozitiv, me entuziazëm dhe gëzim. Dashuri nga unë për të gjithë ju!?, shkruan Aguero në letrën e tij.