web counter
LEXO PA REKLAMA!

SHKARKO APP

App Store
Google Play

Memelli iu vendos ultimatum lojtarëve: Dua 6 pikë në dy ndeshjet e rradhës

15 Dhjetor 2021, 12:13, Sport CNA

Humbja ndaj Vllaznisë në transfertë nuk e ka vështirësuar pozitën e Skënderbeut në tabelën e klasifikimit. Kjo, edhe për faktin se korçarët ndodhen në vendin e 8 në klasifikim, duke lënë pas për momentin Kastriotin dhe Egnatian. Në një situatë të tillë klubi dhe në veçanti trajneri Memelli janë të qetë dhe të motivuar për të kërkuar nga skuadra një mbyllje pozitive të vitit kalendarik. Duke u nisur nga ndeshja e radhës në shtëpi kundër Kastriotit dhe ajo në transfertë ndaj Dinamos trajneri i Skënderbeut ka kërkuar nga ekipi pikët e plota në këto dy takime.

Në analizën e zhvilluar dje Memelli ia ka bërë të qartë skuadrës së tij një kërkesë të tillë, shkruan “Panorama Sport”. Kastrioti, padyshim edhe nga pozicioni që ka në klasifikim, mbetet një kundërshtar i kalueshëm për Skënderbeun, gjithnjë nëse tregon lojën e javëve të fundit. Po aq i mundshëm është edhe suksesi në kryeqytet përballë Dinamos që po kalon momente të vështira. Ndaj, për të gjitha këto trajneri Memelli ka qenë i vendosur kur ka pretenduar pikët maksimale.

?Është koha që humbjen me Vllazninë ta harrojmë dhe të përqendrohemi te ndeshja e radhës. Mënyra më e mirë e të s është fitorja ndaj Kastriotit këtë fundjavë, takim të cilin duhet ta interpretojmë në mënyrën më të mirë të mundshme dhe më pas të mendojmë për ndeshjen e fundit të vitit ndaj Dinamos. Kërkesa ime dhe e klubit është që vitin ta mbyllim me 6 pikë në dy takimet e radhës. Kjo do të na jepte vijimësi të rezultateve pozitive dhe një pozicion më komod në klasifikim. Për momentin le t?i marrim gjërat me radhë dhe të mendojmë vetëm për ndeshjen e fundjavës përballë Kastriotit?, theksoi veç të tjerash trajneri Memelli para ekipit në analizën e zhvilluar dje.





Lajmet e fundit nga