web counter
LEXO PA REKLAMA!

SHKARKO APP

App Store
Google Play

E fundit!

x

VAR i mohon golin Manajt, Roma mposht Spezian dhe rigjen fitoren në Serie A

14 Dhjetor 2021, 08:00, Sport CNA

Profesori Mourinho ka përballë nxënësin Thiago Motta, por ka edhe një derbi shqiptarësh Kumbulla-Manaj, në sfidën Roma-Spezia, që mbyll javën e 17-të të Serie A.

Pas 90 minutash të luftuara është Roma ajo që buzëqesh dhe pas 2 humbjeve radhazi në kampionat, merr tre pikë të arta, që e çojnë në kuotën e 28-të pikëve në renditjen e Serie A.

I pafat Manaj, që sheh ti anulohet një gol nga VAR, ndërsa Rui Patricio i mohon një tjetër gol, që mund të rihapte sfidën. Smalling dhe Ibanez janë heronjtë verdhekuq në këtë sfidë.

Roma zhbllokon ndeshjen shumë shpejt, që në minutën e 6-të me Smalling që dërgon në rrjetë një top me kokë, pas një gjuajtje të Abraham. Është sërish sulmuesi anglez i verdhekuqve, që inspiron Vina, duke i pasuar një top me finde, por portieri Provedel bën një pritje të shkëlqyer.

Roma dominon ndeshjen, por Spezia i afrohet golit të barazimit me Reca dhe kësaj radhe është portieri Rui Patricio që shfaqet në nivelin e duhur. Në minutat shtesë të pjesës së parë Abraham godet traversën, por pjesa e parë mbyllet 1-0 për Romën.

Pjesa e dytë e dytë nis me gol, është Ibanez, që pas një gjuajtjeje me kokë ndëshkon sërish Spezian. Miqtë mundohen të reagojnë dhe gjejnë rrugën e rrjetës me Manaj, por goli i sulmuesit shqiptar anulohet nga VAR, për pozicion jashtë loje.

Duket se Roma është e kënaqur me rezultatin dhe është Spezia që mundohet të rihapë ndeshjen. Manaj ka një shans të artë të shënojë golin e parë për skuadrën e tij, por nuk kalon dot portierin e Romës.

Amian i afrohet sërish golit, por fati nuk është me Spezian. Afena shënon në fund, por goli anulohet nga VAR dhe sulmuesi i ri largohet me karton të kuq. Mbyllet me fitoren e Romës 2-0, sfida e Olimpicos, ndeshja e fundit e javës së 17-të të Serie A.

Itali ? Serie A / Java e 17-të

Roma-Spezia 2-0

Smalling 6?, Ibanez 56?





Lajmet e fundit nga