web counter
LEXO PA REKLAMA!

SHKARKO APP

App Store
Google Play

Champions League/ Dita e shortit, ku ta ndjekim dhe çfarë duhet të dimë

13 Dhjetor 2021, 10:25, Sport CNA

Sot pritet të zbulojmë se si do të ndahen 16 ekipet e kualifikuara në fazën tjetër të Champions League. Shorti që do të hidhet në Nyon të Zvicrës do të mbahet në orën 12:00 dhe mund ta ndiqni atë live në UEFA.com. Juventusi i vazos së parë ka shansin që të ?peshkojë? edhe ndonjë ekip të vogël, ndërsa Interin vetëm fati mund ta ndajë nga ?Big-ët? e Europës.

Për sa i përket shortit ai është i ndarë në dy vazo me skuadrat që dolën si kreu i grupit dhe ato që dolën si të dytat në grup. Kështu, Juventus, Ajax, Bayern, Liverpool, Lille, Manchester City, Real Madrid dhe Manchester United do të jenë në vazon e parë.

Ato do të përballen me ekipet e vazos së dytë që janë Inter, Atletico Madrid, Benfica, Chelsea, PSG, Salzburg, Sporting dhe Villarreal.

Rregulloria e tregon qartë se ekipet e të njëjtit shtet nuk mund të ndeshen në këtë fazë të kompeticionit duke eliminuar kështu ndeshje të si Juventus-Inter, Liverpool-Chelsea, ose Real Madrid-Atletico Madrid.

Gjithashtu, në këtë fazë nuk mund të luajnë edhe të njëjtat ekipe që kanë luajtur në grupe si Inter-Real Madrid apo Manchester City-PSG.

Kështu Interi rrezikon të përballet me ekipe si Ajax, Bayern, Liverpool, Lille, Manchester City dhe Manchester United. Ndërsa Juventusi pritet të përballet me një nga Atletico Madrid, Benfica, PSG, Salzburg, Sportin dhe Villarreal.

Këtë sezon, rregullorja ka ndryshuar për sa i përket golit në fushë kundërshtare, pasi ai nuk do të llogaritet më si avantazh për ekipin që ka shënuar më shumë. Ekipet do të shtojnë në shtesë dhe në rast barazimi kualifikimin do ta vendosin penalltitë.





Lajmet e fundit nga