E fundit!

21:44 Politikë

Kërkesat e protestuesve/ Klosi “ia pason” opozitës: Kanë krijuar vakuum politik, qytetarët nuk përfaqësohen

Sekretari i Përgjithshëm i Partisë Socialiste, Blendi Klos...

“Ishim të barabartë”, surprizon Memelli: Ja çfarë duhet të përmirësojë Skënderbeu

12 Dhjetor 2021, 18:35, Sport CNA

Skënderbeu luajti një pjesë të dytë shumë të mirë, luftoi fort në ?Loro Boriçi?, por humbi 2-0 ndaj Vllaznia dhe nuk ia doli të merrte pikë.

Trajneri i ekipit korçar, Migen Memelli analizoi duelin ndaj kuqebluve në emisionin ?Gol pas Goli? në Supersport, duke vlerësuar lojtarët e tij për shpirtin e garës, teksa tregon se çfarë duhet të përmirësojë Skënderbeu.

?Ishin këto dy episode që bënë të vinte humbja sot. Komplimente Vllaznisë, skuadra që bën më pak gabime fiton lojën. Goli i parë erdhi nga mosmarrëveshja e Rexhepit me Bajramin. Ndodh, lojtarët janë humanë, por Rexhepit po i ndodh pak si shpesh, duhet të punojë më shumë në stërvitje të kapë formën e tij më të mirë.

Goli i dytë ishte një mbajtje e topit në një zonë ku ka risk, pasi po ushtronim presion të jashtëzakonshëm. Vllaznia ra fizikisht, ndërsa në po rriteshim, pasi aspekti fizik është një pikë e fortë e jona. Konkretizimi nuk ishte në nivelin e javëve të para, prandaj nuk shënuam, edhe ne si staf duhet të punojmë më shumë, pasi ndeshja e radhës është ndaj një rivali direkt.

Sulmi? Mensah dhe Berisha kanë bërë mjaft mirë, kanë shënuar nga 5 dhe 4 gola, janë një kopje shumë e mirë. Duhet të afrohen edhe dy sulmuesit e tjetër, që të rritet konkurrenca.

Nuk erdhëm si inferiorë, erdhëm si të barabartë. Vllaznia nuk vodhi gjë, por fitoi nga dy gabimet tona, që ndodhin në futboll. Nuk ishim konkret në 1/3-n e kundërshtarit, pasi deri aty shkuam shumë mirë.

Ngjeshja e Vllaznisë ishte e dukshme, pati shumë pak hapësira për ne, por kjo vjen edhe për meritë të kundërshtarit.

Merkato? Është shpejt, kemi edhe dy ndeshje për të luajtur. Kontingjenti i lojtarëve është. Futëm Pusin pas dy sulmuesve, kaluam në 3-4-1-2, por ai nuk bëri atë që i kërkuam, pasi filloi të spostohej në krah. Hapësirat ishin mjaft të cunguara dhe nuk na qëlloi të ishim konkret sot.

Loja e skuadrës më kënaqi, shpirti i garës ishte i jashtëzakonshëm dhe ushtruam presion, por na lind detyra si staf të jemi më konkret në 1/3-n e kundërshtarit.

Kastrioti? Çdo sfidë është e vështirë. Erdhëm këtu për të bërë mirë, dhe besoj se bëmë mirë. Ne futemi të marrim maksimumin në çdo ndeshje, sot e bëmë me dinjitet, edhe pse Vllaznia ka më tepër eksperiencë se ne?, përfundoi Memelli.