web counter
LEXO PA REKLAMA!

SHKARKO APP

App Store
Google Play

Seria A/ Interi synon kreun, në fushë edhe Atalanta e Napoli

12 Dhjetor 2021, 10:07, Sport CNA

Dita e dielë do të sjellë 5 takime shumë interesante të javës së 17-të të kampionatit italian. Në fushë do të zbresin Inter, Napoli, Atalanta dhe Lazio për të zhvilluar ndeshjet e tyre respektive.

Sfida Torino-Bologna, që do të luhet në orën 12:30, do të çelë ndeshjet e ditës së sotme në Serie A.

Në  orën 15:00 në ?Bentegodi? do të luhet ndeshja Verona-Atalanta. Djemtë e Gasperinit po zhvillojnë një sezon të shkëlqyer dhe tashmë janë kthyer në një nga skuadrat favorite për fitimin e titullit kampion.

Në orën 18:00, është radha e Napolit për të zbritur në fushën e blertë. Të besuarit e Spallettit do të luajnë në stadiumin ?Maradona? përballë Empolit. Në po të njëjtin orar, Lazio e Sarrit do të luajë në transfertë përballë Sassuolos.

E diela magjike e Serie A, do të mbyllet në mbrëmje në orën 20:45 me sfidën e ?San Siros?, aty ky Interi do të përballet me Cagliarin. Zikaltërit e Inzaghit kanë një mundësi të artë për tu ngjitur në krye të renditjes së Serie A, nëse arrijnë të fitojnë ndeshjen e sotme.

Në rast suksesi, për herë të parë në këtë sezon, kampionët në fuqi të Italisë, do të qëndronin të vetëm në krye të klasifikimit. Interi po kalon një moment shumë të mirë dhe sot përballë sardëve synon fitoren e pestë radhazi në kampionat. Correa, Darmian dhe Ranocchia nuk do të luajnë kundër Cagliarit.

Miqtë kanë 8 javë që nuk fitojnë dhe në katër sfidat e fundit në kampionat kanë marrë 4 barazime. Sardët kanë nevojë për pikë, që të dalin nga zona e ftohtë që të zbret në Serie B. Nandez, Rog, Strootman dhe Walukiewicz do të mungojnë në transfertën e sotme në Milano.

Inter (3-5-2): Handanovic; Skriniar, De Vrij, Bastoni; Dumfries, Barella, Brozovic, Calhanoglu, Perisic; Sanchez, Lautaro Martinez

Cagliari (3-5-2): Cragno; Caceres, Ceppitelli, Carboni; Bellanova, Grassi, Marin, Deiola, Dalbert; Joao Pedro, Keita.





Lajmet e fundit nga