web counter
LEXO PA REKLAMA!

SHKARKO APP

App Store
Google Play

E fundit!

x

Të gjithë sytë në Spanjë, luhet sonte derbi i Madridit

12 Dhjetor 2021, 08:56, Sport CNA

Luhet sonte derbi i Madridit, Real-Atletiko. Disa nga duelet personale të kësaj supersfide janë: Simeone-Ançeloti; Zhoao Feliks-Vinicius, por mbi të gjitha Suarez-Benzema! Kur bëhet fjalë për Realin, jo vetëm Madridi e Spanja, por e gjithë Europa dhe bota ndalon.

Aq më shumë kur ?Galaktikët? kërkojnë të rifitojnë jo vetëm fronin në La Liga, por në të njëjtën kohë edhe fronin e Madridit, pasi Atletiko është kampionia në fuqi dhe diçka të tillë ata të Realit nuk e kapërdijnë lehtë.

Gjithsesi, sivjet panorama duket shumë e bukur, pasi skuadra e Karlo Ançelotit jo vetëm kryeson dhe ka një avantazh prej 10 pikësh nga formacioni i Diego Simeones, por duket se ka vrarë përpara kohe edhe kampionatin (8 pikë avantazh nga Sevilja e vendit të dytë).

Ndaj, edhe derbi i sotëm merr një rëndësi më të veçantë, pasi me një fitore Reali do të nxirrte përfundimisht nga gara për titull Atletikon ose duke fituar këta të fundit do të rihapnin kampionatin. Prandaj, në orën 21:00 në ?Santiago Bernabeu? luhet më shumë sesa thjesht për tri pikë, ndonëse ka 4 duele që pritet të vendosin duelin.





Lajmet e fundit nga