Fitorja e dytë radhazi, trajneri i Vllaznisë i kënaqur: 3 pikët ishin shumë të rëndësishme, pres “dhurata” nga Teuta dhe Laçi

12 Dhjetor 2021, 18:54, Sport CNA

Vllaznia mori ditën e sotme fitoren e dytë radhazi në kampionat. Skuadra shkodrane mposhti në shtëpi me rezultatin 2-0 Skënderbeun. Ndeshja u vendos nga golat e shënuar nga Hoxhaj dhe Aralica që vulosën fitoren e Vllaznisë. Në fund të ndeshjes për ?Gol pas Goli?, trajneri i Vllaznisë, Thomas Brdaric u shpreh:

Sa i kënaqur je nga fitorja dhe loja? ?Mendoj se 3 pikët sot ishin shumë të rëndësishme. Duhet të punojmë gjithmonë sipër limiteve tona dhe kur nuk kemi topin. Një bravo e madhe për lojtarët që u përkushtuan shumë dhe e merituam fitoren?.

Lojtarët e stolit? ?E dimë që jemi kokurrues, i kemi thënë lojtarëve që të jenë gati kur t?u vijë mundësia për të luajtur. Ata duhet të tregojnë dëshirë dhe ta tregojnë në fushën e lojës që kanë dëshirë të luajnë. Është një punë e madhe nga ana mentale që lojtarët që nuk luajnë shumë të jenë gati dhe kjo është një punë e mirë nga ana e stafit që këta lojtarë janë mirë edhe fizikisht?.

Kthimi mbrapa në mbrojtje kur shënoni? ?Duhet të konsiderojmë që dy ndeshjet e fundit i kemi luajtur me një lojtar më pak në fushë. Kemi sakrifiuar disi me Teutën dhe Partizanin dhe kjo u pa qartë sot. Kur kishim topin e humbin, por mendoj se strategjia jonë funksinoi shumë mirë pasi shënuam golin e dytë?.

Jeni më mirë se vjet? ?Duhet të analizojmë shumë mirë çdo ndeshje. Mendoj se në të kaluarën, shumë persona kanë menduar se kemi pësuar shumë gola, kjo ishte sepse njerëzit kanë dëshirë që ne të luajmë në sulm, por duhet të bëjmë mirë edhe në mbrojtje. Disa ekipe kanë nevojë për kushte që të luajnë një futboll të caktuar, por mendoj se jemi në rrugën e duhur. Disa lojtarë e kanë kuptuar shumë mirë se çfarë duam?.

Mënyra si luan Vllaznia? ?Është një pikë kyçe mbrojtja dhe kemi nëvojë për fuqi në këmbët tona. Kemi analizuar ndeshjet tona, jemi njerëz dhe kemi gabuar, por kemi mësuar dhe kjo është e rëndësishme?.

Loja e Krujës? ?Një paraqitje shumë solide. Gjuha e trupit të tij më pëlqeu shumë dhe ai e zëvendësoi Gurishtën edhe kapiten shumë mirë?.

Prisni dhurata nga dy ndeshjet e, Tiranës dhe Kukësi? ?Do të ishte mirë që të shkurtohej distanca, por ne nuk jemi të përqendruar te të tjerët, por te skuadra jonë dhe kemi dy sfida të fundit për këtë vit?, u shpreh Brdaric.