web counter
LEXO PA REKLAMA!

SHKARKO APP

App Store
Google Play

Italia shtyn masat për shqiptarët/ Dokumentet që iu duhen për të udhëtuar  

16 Dhjetor 2021, 11:49, Aktualitet CNA

Italia ka vendosur të lërë në fuqi, masat për shtetasit që duan të udhëtojnë nga Shqipëria, drejt vendit fqinj.

Ambasada italiane në Shqipëri, në një njoftim në faqen zyrtare bën të ditur se masat janë shtyrë deri më 31 janar të vitit 2022.

Kështu, qytetarët shqiptarë mund të hyjnë në Itali, për motive të caktuara: pune, shëndeti, studimi dhe urgjence.

Personat të cilët kthehen në vendin e tyre të rezidencës,
Familjarët e ngushtë të shtetasve shqiptarë të pajisur me leje qëndrimi të rregullt në Itali,

Personat të cilët kanë një marrëdhënie emocionale të provuar dhe të qëndrueshme me shtetas që janë rezidentë në Itali,

Sportistë, teknikë, gjykatës garash dhe shoqërues që marrin pjesë në aktivitete sportive olimpike, paraolimpike të certifikuara dhe me interes kombëtar.

Dokumentacioni i nevojshëm që kërkohet:

Formulari ?Passenger Locator Form? në format digjital ose në kopje fizike ?https://app.euplf.eu/

Testi me rezultat negativ molekular ose antigjenik, të kryer 72 orë përpara udhëtimit;

Qytetarët i nënshtrohen izolimit në mirëbesim prej 10 ditësh në adresën e deklaruar në ?Passenger Locator Form? .

Këto rregulla për udhëtimin janë në fuqi nga data 16 dhjetor 2021 deri më 31 janar 2022./CNA.al





Lajmet e fundit nga