web counter
LEXO PA REKLAMA!

SHKARKO APP

App Store
Google Play

E fundit!

x

Skandali me inceneratorët/ Gazetari flet me shifra, si janë kryer 9 procedura brenda ditës

14 Dhjetor 2021, 21:02, Aktualitet CNA

Skandali i inceneratorëve që çoi në pranga ish ministrin e LSI Lefter Koka është edhe më e madhe.

Përmes procedurave korruptive, kompania e inceneratorëve ka përfituar miliona euro nga taksat e qytetarëve.

Gazetari Elvi Fundo në një intervistë për emisionin Log me Endri Xhafon deklaroi se në vitin 2014 janë kryer 9 procedura brenda një dite, pa marrë kohën e nevojshme për të marrë mendim nga Ministria e Mjedisit dhe Ministria e Financave.

Editori i CNA.al shton më tej se në datën 16 dhjetor 2014 shpallet fituese Stela Gugallja, ndërsa një ditë më pas në datën 17 dhjetor është publikuar në vendimin e Këshillit të Ministrave.

?Ata janë më të zhytur akoma. Lefteri në atë kohë ka qenë i LSI, pavarësisht se tani duan të krijojnë distancën. Lefter Koka ka firmosur. Kanë blerë Lulzim Bashën për llogari të Edi Ramës. Unë do të jap një argument. Në Porto Romano, është bërë një tender 15 milionë euro dhe e ka fituar kompania që i ka dhuruar Mercedez-in Lulzim Bashës. Këta mund ta verifikoj SPAK. Partneri i saj është e lidhur me Klodian Zoton dhe në faqen e saj zyrtare në internet thotë që ne kemi kryer punimet 6 muaj në Shqipëri. Janë 15 milionë euro, plus lufta e bërë nga opozita ka qenë sporadike. Ka ndodhur në 2014 gjithçka, ka folur pak Abi Malltezi, ndoshta dhe zonja Tabaku, por vetëm vjet në shtator PD është treguar serioze dhe ka filluar për dy tre javë kanë çuar paditë. Gati 5 vite nuk ka padi. Paditë janë bërë në shtator e para dhe e dyta kanë bërë një gjë qesharake. Në 2017 apo 2018 thërrisnin në Parlament të jepte llogari Damian Gjiknuri kur i përfshirë ishte Lefter Koka. Ahmetaj ka pasur vendimin kundër edhe pse është akuzuar fort. Edhe kontratën e kanë bërë brenda ditës dhe e kanë miratuar në mbledhje qeverie për 24 orë për 22 mln euro.

Këta i kanë ditur këto dokumente. Në 2014 janë bërë 9 procedura brenda ditës që janë të dokumentuara dhe opozita fliste-pushonte.

Në datën 16 dhjetor 2014 Komisioni i Rivlerësimit shpall kompaninë fituese Alb Energy që është Stela Gugallja jo Klodian Zoto. Klodian Zoto lidhet me Stelën pastaj për të bërë ITS që është një kompani që ka të tjera zullume jo vetëm inceneratorët.

Në datën 16 dhjetor 2014 kanë shpallur Stelën fituese, në datën 17 qeveria ka nxjerrë vendimin e Këshillit të Ministrave të kontratës me kompani. Pra sot e kanë shpallur fituesin ministria, nesër ka dalë VKM e qeverisë. Koka nuk është koka, koka ëshë në Kryeministri. Pastaj më tej thotë që në datën 16 dhe 17 dhjetor janë kryer këto procedura, 9 procedura brenda ditës. Këtu që të realizohet një VKM duhet të shkojë në Ministri të Mjedisit për mendim, shkon tek Ministri e Financave për efektet në buxhet. Nuk ka pasur fare kohë për ankesë. Ka edhe një akt edhe më kriminal që është koncesioni. Është firmosur kjo kontrata. Ka shkuar zonja me 1 mln lekë të vjetra në bankë dhe ka kërkuar kredi. Në atë moment qeveria ka filluar t?i japë 700 mijë euro në muaj. Ai incenerator është paguar me lekët e shqiptarëve?, tha Fundo./E.K-CNA.al





Lajmet e fundit nga