E fundit!

18:57 Opinione Luan Rama

I PËGËRI I MBETUR GJALLË NGA NJË KOHË E VDEKUR

Në këto ditë të zhegëta vere, bashkë me rrjedhën kutërbues...

KLP ndërmerr akte jo ligjore ndaj medias/ Thirrja e fortë e Lëvizjes së Gazetarëve

12 Dhjetor 2021, 18:26, Aktualitet CNA

Këshilli i Lartë i Prokurorisë ka shpërndarë një formular për akreditimin e gazetarëve, në të cilin duhet të shënojnë të dhënat e tyre personale, si emër, mbiemër, numër telefoni dhe adresë email.

Por KLP ka vendosur rregulla, që cënojnë punën e gazetarit, për t?i përcjellë publikut në kohë reale informacionin e plotë dhe pa censurë.

Në formular, kërkohet që gazetari të mos përmend emrat e prokurorëve ndaj të cilëve janë vendosur masa disiplinore të pezullimit dhe shkarkimit, si dhe të mos mbajnë me vete gjatë seancës telefona apo mjete regjistrimi.

Kjo ka sjellë reagimin e Lëvizjes së Gazetarëve, të cilët i kërkojnë KLP të tërheqë këtë akt jo ligjor, duke shtuar se media ka ekzistuar para KLP dhe do vijoj ekzistencën edhe më gjatë se ky institucion.

Reagimi i plotë:

Lëvizja e Gazetarëve

Dënon dhe e cilëson këtë formular akreditimi si jo etik, jo profesional dhe jo të ligjshëm.

Ky është ai momenti kur Statusi i Gazetarit vendos pikat mbi i?

Media, gazetarët, reporterët kanë detyrim edhe të akreditohen aty ku kërkohet.

Kurrësesi, askush aq më tepër një institucion publik në këtë rast Këshilli i lartë i prokurorisë smund ti diktojë medias, gazetarit, reporterit se çfarë duhet të raportojë.

Në KLP disktuohet për magjistratë, i cili është një funksion publik.

Prokurori sështë i fshehur por ka një identitet përfshi e të dhëna personale. Emer mbiemër atësi etj!

E nëse ai i nënshtrohet vetting në seancë publike çfarë të dhëne do mbroj KLP me këtë formularë!!!

Ftojmë gazetarët të reagojnë për të tilla rregulla jo ligjore nga institucione aq më tepër publike.

Etika është arma më delikate e këtij profesioni, por KLP nuk meret me të miturit.

Media, gazetarët, reporterët, kanë ekzistuar para KLP e do ekzistojnë e kur KLP të jetë një histori: urojmë suksesi por me të tilla formularë druajmë dështimi.

I nderuar këshilli i lartë i prokurorisë tërhiqe pas këtë akt jo ligjorë, pasi cënon pavarsinë e medias dhe ndërhynë në linjat editoriale dhe të drejtën për informim e transparencë.

Në asnjë vend të BE-s ky model nuk aplikohet pasi kufizon lirinë e fjalës dhe shprehjes.

Si mundet sot një Gazetarë, Reporter? Të punojë pa celularin i cili është mjet pune dhe transmetimi të dhenash njëkohësisht!

Tiranë 12.12.2021./E.K-CNA.al